മലയാളത്തിലെ മുന്‍നിര നടന്‍മാരിലൊരാളാണ് ആസിഫ് അലി. കഴിഞ്ഞ 15 വര്‍ഷമായി മലയാളസിനിമയില്‍ സജീവമാണ് അദ്ദേഹം. ശ്യാമപ്രസാദ് സംവിധാനം ചെയ്ത ഋതുവിലൂടെയാണ് ആസിഫ് തന്റെ സിനിമാജീവിതം ആരംഭിക്കുന്നത്. കരിയറിന്റെ തുടക്കത്തില്‍ തന്നെ മികച്ച സംവിധായകരുടെ സിനിമകളില്‍ ആസിഫ് ഭാഗമായിരുന്നു.

2024 ല്‍ ദിന്‍ജിത്ത് അയ്യത്താന്‍ സംവിധാനം ചെയ്ത് ബാഹുല്‍ രമേശിന്റെ രചനയില്‍ പുറത്തിറങ്ങിയ
കിഷ്‌കിന്ധാ കാണ്ഡം കേരളത്തിന് പുറത്തും ഏറെ ശ്രദ്ധിക്കപ്പെടുകയും നിരൂപക പ്രശംസ നേടുകയും ചെയ്തിരുന്നു. ഈ വര്‍ഷം ആദ്യം പുറത്തിറങ്ങിയ രേഖാചിത്രവും സൂപ്പര്‍ ഹിറ്റായിരുന്നു.

മലയാള സിനിമകള്‍ ഇതുവരെ കണ്ടിട്ടില്ലാത്ത ഒരാള്‍ക്കായി നിങ്ങള്‍ സജസ്റ്റ് ചെയ്യുന്ന ചിത്രങ്ങള്‍ ഏതൊക്കെയായിരിക്കും എന്ന ചോദ്യത്തിന് മറുപടി നല്‍കുകയാണ് ഇപ്പോള്‍ ആസിഫ് അലി.

ഉയരെ എന്ന സിനിമ താന്‍ എല്ലാവരും കാണാന്‍ ആഗ്രഹിക്കുന്ന ചിത്രമാണെന്നും തനിയാവര്‍ത്തനവും താന്‍ സജസ്റ്റ് ചെയ്യുമെന്നും ആസിഫ് അലി പറയുന്നു. കുട്ടിക്കാലത്ത് താന്‍ അത്ഭുതത്തോടെ നോക്കി കണ്ട സിനിമയാണ് കലാപാനിയെന്നും അദ്ദേഹം പറയുന്നു. ആ സിനിമ തിയേറ്ററില്‍ കാണുന്നത് ഒരു അത്ഭുതമായിരുന്നുവെന്നും ആസിഫ് അലി പറയുന്നു. റേഡിയോ മാംഗോയില്‍ സംസാരിക്കുകയായിരുന്നു അദ്ദേഹം.

‘ ഞാന്‍ ഉറപ്പായിട്ടും ഉയരെ കാണാന്‍ പറയും, അത് പോലെ തനിയാവര്‍ത്തനവും. ഞാന്‍ ചെറുപ്പത്തില്‍ ഭയങ്കര അത്ഭുതത്തോടെ തീയേറ്ററില്‍ വാ പൊളിച്ചിരുന്ന് കണ്ട ഒരു പടമാണ് കാലാപാനി. തിയേറ്ററില്‍ കാണുമ്പോള്‍ അത് ഒരു അത്ഭുതമായിരുന്നു. ഒരു ചെറിയ ഇന്റസ്ട്രിയായിട്ടാണ് മലയാളത്തെ എല്ലാവരും ട്രീറ്റ് ചെയ്ത് കൊണ്ടിരുന്നത്. പക്ഷേ നമ്മള്‍ ആണ് ഇന്ത്യയിലെ ആദ്യത്തെ ത്രീഡി ഫിലിം കൊണ്ട് വന്നത്,’ആസിഫ് അലി പറയുന്നു.

Content Highlight: Asif ali talks about three films he recommends to those those who have not yet seen Malayalam films