മലയാളികള്‍ക്ക് ഏറെ പ്രിയപ്പെട്ട നടനാണ് ആസിഫ് അലി. കിഷ്‌കിന്ധാ കാണ്ഡം, രേഖാചിത്രം എന്നീ ഹിറ്റ് സിനിമകള്‍ക്ക് ശേഷം ആസിഫ് നായകനായി എത്തുന്ന ഏറ്റവും പുതിയ ചിത്രമാണ് ആഭ്യന്തര കുറ്റവാളി.
നവാഗതനായ സേതുനാഥ് പദ്മകുമാര്‍ രചനയും സംവിധാനവും നിവഹിച്ച ഈ സിനിമയില്‍ നടന്‍ ജഗദീഷും ഒരു പ്രധാനവേഷത്തില്‍ എത്തുന്നുണ്ട്. കിഷ്‌കിന്ധാ കാണ്ഡം, രേഖാചിത്രം എന്നീ സിനിമകളിലും ആസിഫിനൊപ്പം ജഗദീഷ് അഭിനയിച്ചിരുന്നു.
‘ജഗദീഷേട്ടന്റെ പെര്‍ഫോമന്‍സ് നമുക്ക് എല്ലാവര്‍ക്കും അറിയാവുന്നതാണല്ലോ. നമ്മള്‍ ഇപ്പോള്‍ അദ്ദേഹത്തിന്റെ അഭിനയത്തെ കുറിച്ച് പറയുന്നത് 2.0 വേര്‍ഷന്‍ എന്നാണ്. ജഗദീഷേട്ടന്റെ അഭിനയവും സിനിമാ സെലക്ഷന്‍സും ഇന്ന് ഒരുപാട് മാറി.
ആഭ്യന്തര കുറ്റവാളി സിനിമയില്‍ സഹദേവന്‍ എന്ന കഥാപാത്രമായിട്ടാണ് ഞാന്‍ അഭിനയിക്കുന്നത്. കുറേനാളുകള്‍ക്ക് മുമ്പാണ് ഈ സിനിമ വരുന്നതെങ്കില്‍ ജഗദീഷേട്ടന്‍ ചെയ്യേണ്ട റോളായിരുന്നു അത്. സ്ത്രീധനം പോലെയുള്ള സിനിമകള്‍ ചെയ്ത ആളല്ലേ അദ്ദേഹം,’ ആസിഫ് അലി പറയുന്നു.
Content Highlight: Asif Ali Talks About Jagadish And Abhyanthara Kuttavali Movie
