നവാഗതനായ സേതുനാഥ് പത്മകുമാര്‍ കഥ, തിരക്കഥ, സംവിധാനം നിര്‍വഹിക്കുന്ന ആസിഫ് അലി ചിത്രം ‘ആഭ്യന്തര കുറ്റവാളി’യുടെ ഷൂട്ടിങ്ങ് പൂര്‍ത്തിയായി. മൂന്നു ഷെഡ്യൂളുകളായി നാല്‍പ്പത്തിയഞ്ചില്‍പ്പരം ദിവസങ്ങളുടെ ചിത്രീകരണത്തിന് കഴിഞ്ഞ ദിവസം പാക്കപ്പായി.
തൃശൂര്‍ ജില്ലയിലെയും ഇടുക്കിയിലെയും വിവിധ സ്ഥലങ്ങളിലായാണ് ചിത്രീകരണം നടന്നത്. ആസിഫ് അലിയെ നായകനാക്കി നൈസാം സലാം പ്രൊഡക്ഷന്‍സിന്റെ ബാനറില്‍ നൈസാം സലാമാണ് ചിത്രം നിര്‍മിക്കുന്നത്. റിയലിസ്റ്റിക് കോമഡി ഫാമിലി എന്റര്‍ടൈനര്‍ ഴോണറാണ് ആഭ്യന്തര കുറ്റവാളിയുടേത്.
പുതുമുഖ താരം തുളസിയാണ് ചിത്രത്തിലെ നായിക കഥാപാത്രത്തെ അവതരിപ്പിക്കുന്നത്. മറ്റുപ്രധാന കഥാപാത്രങ്ങളെ ജഗദീഷ്, ഹരിശ്രീ അശോകന്‍, സിദ്ധാര്‍ഥ് ഭരതന്‍, അസീസ് നെടുമങ്ങാട്, ജോജി, വിജയകുമാര്‍, ബാലചന്ദ്രന്‍ ചുള്ളിക്കാട്, ആനന്ദ് മന്മഥന്‍, പ്രേം നാഥ്, ശ്രേയ രുക്മിണി, നീരജ രാജേന്ദ്രന്‍, റിനി ഉദയകുമാര്‍, ശ്രീജ ദാസ് എന്നിവര്‍ അവതരിപ്പിക്കുന്നു.
ആഭ്യന്തര കുറ്റവാളിയുടെ അണിയറപ്രവര്‍ത്തകര്‍ ഇവരാണ്. സിനിമാട്ടോഗ്രാഫര്‍ – അജയ് ഡേവിഡ് കാച്ചപ്പള്ളി, എഡിറ്റര്‍ – സോബിന്‍ സോമന്‍, മ്യൂസിക് ആന്‍ഡ് ബാക്ക്ഗ്രൗണ്ട് സ്‌കോര്‍ – ബിജിബാല്‍, ക്രിസ്റ്റി ജോബി, ആര്‍ട്ട് ഡയറക്ടര്‍ – സാബു റാം, പ്രൊഡക്ഷന്‍ കണ്‍ട്രോളര്‍ – ജിത്ത് പിരപ്പന്‍കോട്, ലൈന്‍ പ്രൊഡ്യൂസര്‍ – ടെസ്സ് ബിജോയ്, പ്രൊജക്റ്റ് ഡിസൈനര്‍ – നവീന്‍ ടി. ചന്ദ്രബോസ്, മേക്കപ്പ് – സുധി സുരേന്ദ്രന്‍.
വസ്ത്രാലങ്കാരം – മഞ്ജുഷ രാധാകൃഷ്ണന്‍, ലിറിക്‌സ് – മനു മന്‍ജിത്, ചീഫ് അസോസിയേറ്റ് ഡയറക്ടര്‍ – പ്രേംനാഥ്, സൗണ്ട് ഡിസൈന്‍ – ധനുഷ് നയനാര്‍, ഫിനാന്‍സ് കണ്‍ട്രോളര്‍ – സന്തോഷ് ബാലരാമപുരം, അസോസിയേറ്റ് ഡയറക്ടര്‍ – സാന്‍വിന്‍ സന്തോഷ്, അരുണ്‍ ദേവ്, സിഫാസ് അഷ്‌റഫ്, സ്റ്റില്‍സ് – സലീഷ് പെരിങ്ങോട്ടുകര, പബ്ലിസിറ്റി ഡിസൈന്‍ – മാമി ജോ, പി.ആര്‍.ഒ. : പ്രതീഷ് ശേഖര്‍.
Content Highlight: Asif Ali’s Abhyanthara Kuttavali’s Shooting Is Complete