ഭ്രമയുഗത്തിലെ ആ റോള്‍ ചെയ്യേണ്ടിയിരുന്നത് ഞാന്‍, മമ്മൂക്ക ആ സിനിമ ചെയ്യുമെന്ന് കരുതിയില്ല: ആസിഫ് അലി
എന്റര്‍ടെയിന്‍മെന്റ് ഡെസ്‌ക്
Saturday, 9th September 2023, 10:37 am
രാഹുല്‍ സദാശിവന്റെ സംവിധാനത്തില്‍ മമ്മൂട്ടി അര്‍ജുന്‍ അശോകന്‍ എന്നിവര്‍ പ്രധാന വേഷത്തില്‍ എത്തുന്ന ഭ്രമയുഗത്തില്‍ അര്‍ജുന്‍ അശോകന്‍ ചെയ്യുന്ന റോള്‍ ചെയ്യേണ്ടിയിരുന്നത് താന്‍ ആയിരുന്നുവെന്ന് നടന്‍ ആസിഫ് അലി.
ആദ്യം പറഞ്ഞ ഡേയിറ്റുകളില്‍ നിന്ന് മാറ്റം വന്നത് കൊണ്ടാണ് സിനിമ ചെയ്യാന്‍ പറ്റാതെ പോയതെന്നും ആസിഫ് അലി പറഞ്ഞു. ന്യൂ ഇന്ത്യന്‍ എക്‌സ്പ്രസ് കേരളക്ക് നല്‍കിയ അഭിമുഖത്തിലാണ് ആസിഫ് ഇക്കാര്യം വ്യക്തിമാക്കിയത്.
‘ഭ്രമയുഗത്തിലെ അര്‍ജുന്‍ അശോകന്‍ ചെയ്യുന്ന റോള്‍ ചെയ്യാനിരുന്നത് ഞാനാണ്, പക്ഷെ ആദ്യം പറഞ്ഞ ഡേയിറ്റുകളില്‍ വന്ന മാറ്റം കൊണ്ടാണ് ആ റോള്‍ ചെയ്യാന്‍ സാധിക്കാതെ പോയത്. ഒരിക്കലും മമ്മൂക്ക ആ കഥാപാത്രം ചെയ്യുമെന്ന് ഞാന്‍ കരുതിയില്ല, മമ്മൂക്കയുടെ അടുത്ത എക്‌സ്ട്രാ ഓര്‍ഡിനറി സിനിമ ആയിരുന്നു ഭ്രമയുഗം,’ ആസിഫ് അലി പറയുന്നു.
