നിര്‍ണ്ണായകമായ സൂപ്പര്‍ ഫോര്‍ മത്സരത്തില്‍ പാകിസ്ഥാനെതിരെ ഇന്ത്യയ്ക്ക് ജയം. പാകിസ്ഥാന് പടുത്തുയര്‍ത്തിയ 237 റണ്‍സിന്റെ വിജയലക്ഷ്യം ഇന്ത്യ 39.3 ഓവറില്‍ മറികടക്കുകയായിരുന്നു. 100 പന്തില്‍ 114 റണ്‍സെടുത്ത ശിഖര്‍ ധവാനും 119 പന്തില്‍ 111 റണ്‍സെടുത്ത രോഹിത് ശര്‍മ്മയുമാണ് ഇന്ത്യയുടെ വിജയശില്‍പികള്‍.
നേരത്തെ, ടോസ് നേടിയ ബാറ്റിങ് തിരഞ്ഞെടുത്ത പാക്കിസ്ഥാനായി ഓപ്പണര്‍മാരായ ഇമാമുല്‍ ഹഖും ഫഖര്‍ സമാനും ചേര്‍ന്ന് പതുക്കെയാണ് ഇന്നിങ്‌സ് ആരംഭിച്ചത്. ഇന്ത്യന്‍ ബൗളര്‍മാര്‍ക്ക് മുന്നില്‍ കാലിടറിയ പാകിസ്ഥാന് ഏഴ് വിക്കറ്റ് നഷ്ടത്തില്‍ 237 റണ്‍സെടുക്കാനെ സാധിച്ചിരുന്നുള്ളു. 90 പന്തില്‍ നിന്ന് 78 റണ്‍സ് നേടിയ ഷുഐബ് മാലിക്കാണ് പാകിസ്താന്റെ ടോപ് സ്‌കോറര്‍.
മൂന്ന് വിക്കറ്റിന് 58 റണ്‍സെന്ന നിലയിലായിരുന്ന പാകിസ്താനെ നാലാം വിക്കറ്റില്‍ ഷുഐബ് മാലിക്കും സര്‍ഫറാസ് അഹമ്മദും ചേര്‍ന്ന് കര കയറ്റുകയായിരുന്നു.