ജയ്പൂര്‍: അശോക് ഗെലോട്ടിനെതിരെ വിമര്‍ശനവുമായി കോണ്‍ഗ്രസ് എം.എല്‍.എയും സച്ചിന്‍ പക്ഷക്കാരനുമായ മുരളി ലാല്‍ മീണ. ആത്മാഭിമാനത്തിനുവേണ്ടി പോരാടിയ തങ്ങളെയാണ് ഗെലോട്ട് പാര്‍ട്ടിക്ക് പുറത്താക്കിയതെന്നും ഗെലോട്ട് തികഞ്ഞ ഒരു മായാജാലക്കാരനാണെന്നും മായാജാലത്തിനപ്പുറമൊന്നുമല്ല കാണിച്ചിരിക്കുന്നതെന്നും മുരളി ലാല്‍ മീണ പറഞ്ഞു.
മുന്‍ ബി.എസ്.പി നിയമസഭാംഗവും രാജസ്ഥാനില്‍ നിന്നുള്ള കോണ്‍ഗ്രസ് എം.എല്‍.എമാരില്‍ ഒരാളുമാണ് മുരളി ലാല്‍ മീണ.
‘അശോക് ഗെലോട്ട് ശരിക്കും ഒരു ജാലവിദ്യക്കാരനാണ്, അദ്ദേഹം ആരോപിച്ച രീതി മാന്ത്രികതയില്‍ നിന്ന് ഒട്ടും കുറവല്ല. അദ്ദേഹം എനിക്കെതിരെ അഴിമതി ആരോപിച്ചു, ബഹുജന്‍ സമാജ് പാര്‍ട്ടി വിട്ട് ഞാന്‍ അദ്ദേഹത്തിന്റെ അടുത്തെത്തിയപ്പോള്‍, ഞാന്‍ എത്ര പണം വാങ്ങിയെന്ന് ദയവായി പറയൂ? എന്നെക്കാള്‍ സത്യസന്ധനായ ഒരു എം.എല്‍.എയെ അദ്ദേഹം കണ്ടിട്ടില്ലെന്ന് അദ്ദേഹം പറഞ്ഞു. ഇന്ന് അദ്ദേഹം പറയുന്നു എന്നെ വിലക്കെടുത്തു കഴിഞ്ഞെന്ന്,” മുരളി ലാല്‍ മീണപറഞ്ഞു.
