'മാര്‍ക്കറ്റില്‍ ലഭിക്കുന്ന പുതിയ ബിസ്‌ക്കറ്റാണോ 50-50'; ബി.ജെ.പി -ശിവസേന പോരിനെ പരിഹസിച്ച് അസദുദ്ദീന്‍ ഉവൈസി
ഡൂള്‍ന്യൂസ് ഡെസ്‌ക്
Sunday, 3rd November 2019, 6:26 pm
ഹൈദരാബാദ്: മഹാരാഷ്ട്രയിലെ സര്‍ക്കാര്‍ രൂപീകരണവുമായി ബന്ധപ്പെട്ട് ബി.ജെ.പിയും ശിവസേനയും തമ്മില്‍ നടക്കുന്ന വാക്‌പോരിനെ പരിഹരിച്ച് എ.ഐ.എം.ഐ.എം മേധാവി അസദുദ്ദീന്‍ ഉവൈസി. മാര്‍ക്കറ്റില്‍ ലഭിക്കുന്ന പുതിയ ബിസ്‌ക്കറ്റാണോ 50-50 എന്നായിരുന്നു ഉവൈസിയുടെ ചോദ്യം. തന്റെ പാര്‍ട്ടി ബി.ജെ.പിയെയോ ശിവസേനയെയോ പിന്തുണക്കുന്നില്ലെന്നും അദ്ദേഹം വ്യക്തമാക്കി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘എന്താണ് 50-50? മാര്‍ക്കറ്റില്‍ ലഭിക്കുന്ന പുതിയ ബിസ്‌ക്കറ്റ് ആണോ? 50-50 എത്രകാര്യങ്ങള്‍ ചെയ്യും? മഹാരാഷ്ട്രയിലെ ജനങ്ങള്‍ക്കായി എന്തെങ്കിലും ചെയ്യൂ. സത്താരയില്‍ ശക്തമായ മഴ ഉണ്ടാക്കിയ നാശനഷ്ടത്തെക്കുറിച്ച് ബി.ജെ.പിയോ ശിവസേനയോ ആശങ്കപ്പെടുന്നില്ല. കര്‍ഷകള്‍ ആശങ്കയിലാണ്. പക്ഷെ അവര്‍ ഇപ്പോഴും 50-50 -യെക്കുറിച്ച് വാതോരാതെ സംസാരിക്കുകയാണ്.’ ഉവൈസി പറഞ്ഞു.
