'കൈവിട്ടു പോകുകയാണല്ലോ'; ജാര്‍ഖണ്ഡിലെ തിരിച്ചടിയില്‍ ബി.ജെ.പിയെ പരിഹസിച്ച് സഞ്ജയ് റാവത്ത്
ഡൂള്‍ന്യൂസ് ഡെസ്‌ക്
Monday, 23rd December 2019, 1:46 pm
മുംബൈ: ജാര്‍ഖണ്ഡ് തെരഞ്ഞെടുപ്പില്‍ ബി.ജെ.പി നേരിട്ട തകര്‍ച്ചയില്‍ പരിഹാസവുമായി ശിവസേന നേതാവ് സഞ്ജയ് റാവത്ത്.
മഹാരാഷ്ട്രയ്ക്ക് പിന്നാലെ ജാര്‍ഖണ്ഡും ബി.ജെ.പിയുടെ കൈവിട്ടുപോകുകയാണല്ലോ എന്നായിരുന്നു റാവത്തിന്റെ പരിഹാസം. ചെറിയ സംസ്ഥാനങ്ങള്‍ പോലും ബി.ജെ.പിയുടെ കയ്യില്‍ നിന്നും വഴുതിപ്പോകുകയാണെന്നും റാവത്ത് പ്രതികരിച്ചു.
ജാര്‍ഖണ്ഡില്‍ ബി.ജെ.പി കനത്ത തിരിച്ചടി നേരിടുന്നതായുള്ള റിപ്പോര്‍ട്ടുകള്‍ക്ക് പിന്നാലെയായിരുന്നു റാവത്തിന്റെ മറുപടി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘വലിയ ശ്രമങ്ങള്‍ നടത്തിയെങ്കിലും മഹാരാഷ്ട്ര കൈവിട്ടുപോയി. പിന്നാലെ ജാര്‍ഖണ്ഡും. ചെറിയ സംസ്ഥാനങ്ങള്‍ പോലും സ്വന്തം നിയന്ത്രണത്തില്‍ നിന്നും ബി.ജെ.പിക്ക് നഷ്ടപ്പെട്ടുകഴിഞ്ഞു’- സഞ്ജയ് റാവത്ത് പറഞ്ഞു.
