സൗദി അറേബ്യന്‍ ക്ലബ്ബായ അല്‍ നസറില്‍ മികച്ച പ്രകടനമാണ് പോര്‍ച്ചുഗല്‍ ഇതിഹാസം ക്രിസ്റ്റ്യാനോ റോണാള്‍ഡോ കാഴ്ചവെക്കുന്നത്. സൗദി പ്രോ ലീഗിലേക്ക് ജനുവരി ട്രാന്‍സ്ഫര്‍ ജാലകത്തില്‍ റൊണാള്‍ഡോയെത്തിയതോടെ അല്‍ നസറിന്റെ ഓഹരി മൂല്യവും ബ്രാന്‍ഡ് മൂല്യവും വന്‍ തോതില്‍ കുതിച്ചുയര്‍ന്നിരുന്നു.
കൂടാതെ ലോക റെക്കോര്‍ഡ് തുകയായ പ്രതിവര്‍ഷം 225 മില്യണ്‍ യൂറോ നല്‍കിയാണ് അല്‍ നസര്‍ റൊണാള്‍ഡോയെ തങ്ങളുടെ ക്യാമ്പിലേക്കെത്തിച്ചിരുന്നത്.
Cristiano Ronaldo is the greatest player and photographer of all time 🐐 pic.twitter.com/OapPCPKIVU
— R0y_13🐼 (@Roy44nopxc3d) April 24, 2023
ഇപ്പോഴിതാ കളിക്കളത്തിന് പുറത്ത് പുതിയ റോളില്‍ പ്രത്യക്ഷപ്പെട്ടിരിക്കുകയാണ് റൊണാള്‍ഡോ. അഞ്ച് തവണ ബാലണ്‍ ഡി ഓര്‍ ജേതാവായ ക്രിസ്റ്റ്യാനോ ഒരു പരിശീലന സെഷനില്‍ തന്റെ ടീമംഗങ്ങളുടെയും ക്ലബ് സ്റ്റാഫുകളുടെയും ഫോട്ടോ എടുക്കുന്നതിന്റെ ചിത്രങ്ങളാണ് സമൂഹ മാധ്യമങ്ങളില്‍ വൈറലാകുന്നത്. അല്‍-നസര്‍ ക്യാമ്പില്‍ സഹതാരങ്ങള്‍ക്കൊപ്പം വളരെയധികം ആസ്വദിച്ചാണ് ക്രിസ്റ്റ്യാനോ ക്യാമറ കൈകാര്യം ചെയ്യുന്നതെന്നാണ് പുറത്തുവന്ന ദൃശ്യങ്ങള്‍ സൂചിപ്പിക്കുന്നത്.
Cristiano Ronaldo has got a new job at Al Nassr 😅📸
(via @AlNassrFC) pic.twitter.com/bGye6fEwZ0
— ESPN FC (@ESPNFC) April 24, 2023
