കാവ്യ ഫിലിം കമ്പനിയും ആൻ മെഗാ മീഡിയയും ചേർന്നു നിർമിക്കുന്ന പുതിയ ചിത്രമാണ് ‘ആനന്ദ് ശ്രീബാല ‘. തിരക്കഥാകൃത്ത് അഭിലാഷ് പിള്ള തിരക്കഥയൊരുക്കി, വിഷ്ണു വിനയാണ് സംവിധാനം ചെയ്യുന്നത്. ചിത്രം നിർമിക്കുന്നത് പ്രിയ വേണു, നീറ്റാ പിന്റോ എന്നിവർ ചേർന്നാണ്.
സംവിധായകൻ വിനയന്റെ മകനും സിനിമാ താരവുമാണ് വിഷ്ണു വിനയ്. ഇന്ന് രാവിലെ 10.30 ന് ചോറ്റാനിക്കര ദേവി ക്ഷേത്രത്തിൽ നടന്ന പൂജാ ചടങ്ങിൽ ചിത്രത്തിന്റെ അണിയറ പ്രവർത്തകർ ഒരുമിച്ച് കൂടി.
അർജുൻ അശോകൻ, സൈജു കുറുപ്പ്, സിദ്ദിഖ്, അപർണ്ണ ദാസ്, ധ്യാൻ ശ്രീനിവാസൻ, അജു വർഗീസ്, ആശ ശരത്, ഇന്ദ്രൻസ്, മനോജ്‌ കെ. യു, മാളവിക മനോജ്‌ എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. വരും ദിവസങ്ങളിൽ ചിത്രീകരണം ആരംഭിക്കുമെന്നാണ് അറിയിച്ചിട്ടുള്ളത്.
ചിത്രത്തിന് രഞ്ജിൻ രാജാണ് സംഗീതം ഒരുക്കുന്നത്. ചന്ദ്രകാന്ത്‌ മാധവൻ ചായാഗ്രഹണം നിർവഹിക്കുന്നു. കിരൺ ദാസാണ് എഡിറ്റർ. ഗോപകുമാർ ജി. കെ.,സുനിൽ സിങ്, ജസ്റ്റിൻ ബോബൻ എന്നിവരാണ് പ്രൊഡക്ഷൻ ഡിപ്പാർട്മെന്റ് കൈകാര്യം ചെയ്യുന്നത്. ആർട്ട്‌ ഡയറക്ടർ – സാബു റാം; സൗണ്ട് ഡിസൈൻ – രാജാകൃഷ്ണൻ എം. ആർ. , കോസ്റ്റും ഡിസൈനെർ – സമീറ സനീഷ്; മേക്കപ്പ് – റഹീം കൊടുങ്ങല്ലൂർ, അസോസിയേറ്റ് ഡയറക്ടർ – ബിനു ജി. നായർ; പി. ആർ. ആൻഡ് മാർക്കറ്റിങ് – വൈശാഖ് സി. വടക്കേവീട്, ജിനു അനിൽകുമാർ; ഡിസൈൻ – ഓൾഡ് മങ്ക് ഡിസൈൻ.
Content Highlight: Arjun ashokan’s news movie