സ്ഥാനാര്‍ത്ഥികളായി അര്‍ജുന്‍ അശോകനും, മാമുകോയയും ജോണി ആന്റണിയും; വൈറലായി 'മെമ്പര്‍ രമേശന്‍ 9-ാംവാര്‍ഡ്' പുതിയ പോസ്റ്ററുകള്‍
എന്റര്‍ടെയിന്‍മെന്റ് ഡെസ്‌ക്
Monday, 30th November 2020, 8:48 pm
കൊച്ചി: സംസ്ഥാനത്ത് തദ്ദേശസ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് പ്രചാരണങ്ങള്‍ കൊടുമ്പിരി കൊണ്ടിരിക്കെയാണ് രണ്ട് സ്ഥാനാര്‍ത്ഥികളുടെ പോസ്റ്റര്‍ സോഷ്യല്‍ മീഡിയയില്‍ വൈറലായത്.
നടനും സംവിധായകനുമായ ജോണി ആന്റണിയുടെയും മാമുകോയയുടെയും അര്‍ജുന്‍ അശോകന്റെതുമായിരുന്നു ആ പോസ്റ്ററുകള്‍. തങ്ങളുടെ പുതിയ ചിത്രമായ മെമ്പര്‍ രമേശന്‍ 9-ാംവാര്‍ഡ് എന്ന ചിത്രത്തിന്റെ പോസ്റ്ററുകളാണ് ഇത്.
ബോബന്‍&മോളി എന്റര്‍റ്റൈന്‍മെന്റ്‌സിന്റെ ബാനറില്‍ നവാഗതരായ ആന്റോ ജോസ് പെരേര-എബി ട്രീസ പോള്‍ എന്നിവര്‍ രചനയും സംവിധാനവും നിര്‍വ്വഹിച്ച ചിത്രത്തില്‍ ചെമ്പന്‍ വിനോദ്,ഇന്ദ്രന്‍സ്,മാമുക്കോയ,സാബുമോന്‍,ശബരീഷ് വര്‍മ്മ, രണ്‍ജി പണിക്കര്‍ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
