ആഷിക് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാന്‍ നിര്‍മിച്ച് അരുണ്‍ ഡി. ജോസ് സംവിധാനം നിര്‍വഹിക്കുന്ന ഏറ്റവും പുതിയ ചിത്രമായ ‘ബ്രൊമന്‍സ്’ന്റെ ടൈറ്റില്‍ ലുക്ക് പോസ്റ്റര്‍ വിഷു ദിനത്തില്‍ പുറത്തിറങ്ങി.
മഹിമ നമ്പ്യാര്‍, അര്‍ജുന്‍ അശോകന്‍, മാത്യു തോമസ് എന്നിവരാണ് ഈ ചിത്രത്തില്‍ പ്രധാനവേഷത്തില്‍ എത്തുന്നത്. ഇവര്‍ ആദ്യമായി ഒന്നിച്ച് അഭിനയിക്കുന്ന ചിത്രം കൂടിയാണിത്. പ്രേക്ഷക ശ്രദ്ധയാകര്‍ഷിച്ച ജോ ആന്‍ഡ് ജോ, 18 പ്ലസ് എന്നിവയുടെ സംവിധായകനാണ് അരുണ്‍ ഡി. ജോസ്.
മലയാള സിനിമകളിലും ’96’ എന്ന സൂപ്പര്‍ ഹിറ്റ് ചിത്രത്തിലൂടെ തമിഴ്ചലച്ചിത്ര സംഗീത രംഗത്തും പ്രശസ്തിയാര്‍ജിച്ച ഗോവിന്ദ് വസന്തയാണ് ഈ ചിത്രത്തിന് വേണ്ടി സംഗീതമൊരുക്കുന്നത്. യുവ സംഗീത സംവിധായകനും ഗായകനും വയലിനിസ്റ്റുമാണ് അദ്ദേഹം.
കലാഭവന്‍ ഷാജോണ്‍, ബിനു പപ്പു, ശ്യാം മോഹന്‍, സംഗീത് പ്രതാപ് എന്നിവരും ഈ ചിത്രത്തില്‍ പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നു. ‘ബ്രൊമന്‍സ്’ എന്ന ഈ ചിത്രത്തിന് വേണ്ടി ക്യാമറ കൈകാര്യം ചെയ്യുന്നത് അഖില്‍ ജോര്‍ജാണ്. എഡിറ്റര്‍ : ചമ്മന്‍ ചാക്കോ, ആര്‍ട്ട് : നിമേഷ് എം. താനൂര്‍.
മേക്കപ്പ്: റോണക്‌സ് സേവ്യര്‍, കോസ്റ്റ്യൂം: മഷര്‍ ഹംസ, കണ്ട്രോളര്‍: സുധര്‍മന്‍ വള്ളിക്കുന്ന്, ചീഫ് അസി.: റെജീവന്‍ അബ്ദുള്‍ ബഷീര്‍, ഡിസൈന്‍: യെല്ലോടൂത്ത്സ്, മാര്‍ക്കറ്റിങ്: ഒബ്‌സ്‌ക്യൂറ എന്റര്‍ടൈന്‍മെന്റ്‌സ്.
Content Highlight: Arjun Ashokan, Mahima Nambiar and Mathew Thomas team up in Aashiq Usman’s production For Bromance Movie