കൈരളിയും മീഡിയ വണും പുറത്തുപോകൂ; മാധ്യമങ്ങള്‍ക്ക് നേരെ ആരിഫ് മുഹമ്മദ് ഖാന്റെ ഭീഷണി
ഡൂള്‍ന്യൂസ് ഡെസ്‌ക്
Monday, 7th November 2022, 9:26 am
തിരുവനന്തപുരം: കൈരളി, മീഡിയവണ്‍ ചാനലുകളോട് സംസാരിക്കില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍. രാജ്ഭവനില്‍ വിളിച്ചുചേര്‍ത്ത് വാര്‍ത്താസമ്മേളനത്തിനിടെയാണ് ഈ ചാനലുകളോട് ഇറങ്ങിപ്പോകാന്‍ ആരിഫ് മുഹമ്മദ് ഖാന്‍ പറഞ്ഞത്. എന്നാല്‍ ക്ഷണിച്ച മാധ്യമപ്രവര്‍ത്തകരോട് ഇറങ്ങിപ്പോകാന്‍ പറയുന്നത് ശരിയല്ലെന്ന് മറ്റ് ചാനലുകളിലെ മാധ്യമപ്രവര്‍ത്തകര്‍ ആരിഫ് മുഹമ്മദ് ഖാനോട് ചോദിച്ചു.
രണ്ട് ചാനലുകളും തനിക്കെതിരെ ക്യാമ്പയിന്‍ നടത്തുകയാണ്. കേഡര്‍ മാധ്യമങ്ങളോട് സംസാരിക്കാന്‍ താത്പര്യമില്ലെന്നും അദ്ദേഹം പറഞ്ഞു. എന്നാല്‍ രാജ്ഭവന്‍ തങ്ങളെ ക്ഷണിച്ചിട്ടാണ് റിപ്പോര്‍ട്ടിങ്ങിനെത്തിയതെന്നാണ് മീഡിയവണ്‍, കൈരളി ചാനലുകള്‍ പറയുന്നത്.
