'മാഞ്ചസ്റ്റര്‍ യുണൈറ്റഡില്‍ കടുത്ത റൊണാള്‍ഡോ ഫാന്‍, വീട്ടില്‍ നിറയെ മെസിയുടെ ചിത്രങ്ങള്‍'; യുവതാരത്തെ കുറിച്ച് അര്‍ജന്റൈന്‍ യൂത്ത് കോഡിനേറ്റര്‍
സ്പോര്ട്സ് ഡെസ്‌ക്
Friday, 17th March 2023, 12:43 pm
പോര്‍ച്ചുഗല്‍ ഇതിഹാസം ക്രിസ്റ്റിയാനോ റൊണാള്‍ഡോയാണ് ഫുട്‌ബോളിലെ തന്റെ ആരാധനാ പാത്രമെന്ന് അര്‍ജന്റൈന്‍ യുവതാരം അലജാന്‍ഡ്രോ ഗര്‍നാച്ചോ പലപ്പോഴും പറഞ്ഞിട്ടുണ്ട്. മാഞ്ചസ്റ്റര്‍ യുണൈറ്റഡില്‍ റൊണാള്‍ഡോക്കൊപ്പം കളിക്കുമ്പോഴാണ് ഗര്‍നാച്ചോ ഇക്കാര്യം വെളിപ്പെടുത്തിയത്.
എന്നാല്‍ ഗര്‍നാച്ചോ രഹസ്യമായി അര്‍ജന്റൈന്‍ ഇതിഹാസം ലയണല്‍ മെസിയെ ആരാധിക്കുന്നുണ്ടെന്ന് പറഞ്ഞിരിക്കുകയാണ് ഇപ്പോള്‍ അര്‍ജന്റൈന്‍ യൂത്ത് കോഡിനേറ്റര്‍ ബെര്‍ണാഡോ റൊമേറോ. ഗര്‍നാച്ചോയുടെ വീട്ടില്‍ ചെന്നാല്‍ നിറയെ മെസിയുടെ ചിത്രങ്ങള്‍ കാണാനാകുമെന്നും അദ്ദേഹം പറഞ്ഞു. ഡി സ്പോര്ട്സ് റേഡിയോയില്‍ സംസാരിക്കുമ്പോഴാണ് അദ്ദേഹം ഇക്കാര്യങ്ങള്‍ പറഞ്ഞത്.
