ആര്‍ച്ച്ബിഷപ്പ് ഡെസ്മണ്ട് ടുടു അന്തരിച്ചു; മണ്ടേലയ്‌ക്കൊപ്പം വര്‍ണവിവേചനത്തിനെതിരെ പോരാടിയ വൈദികന്‍
ഡൂള്‍ന്യൂസ് ഡെസ്‌ക്
Sunday, 26th December 2021, 2:37 pm
കേപ്ടൗണ്‍: സമാധാനത്തിനുള്ള നൊബേല്‍ പുരസ്‌കാര ജേതാവായ ആര്‍ച്ച്ബിഷപ്പ് ഡെസ്മണ്ട് ടുടു അന്തരിച്ചു. 90ാം വയസിലായിരുന്നു അന്ത്യം.
ദക്ഷിണാഫ്രിക്കയില്‍ വര്‍ണവിവേചനം നിര്‍ത്തലാക്കാന്‍ വേണ്ടി മുന്‍ പ്രസിഡന്റ് നെല്‍സണ്‍ മണ്ടേലക്കൊപ്പം പ്രവര്‍ത്തിച്ചവരില്‍ പ്രമുഖനായിരുന്നു ടുടു.
1948 മുതല്‍ 1991 വരെ ദക്ഷിണാഫ്രിക്കയിലെ ന്യൂനപക്ഷ വെളുത്ത വര്‍ഗക്കാരുടെ സര്‍ക്കാരിന്റെ കീഴില്‍ രാജ്യത്തെ കറുത്ത വര്‍ഗക്കാരായ ജനങ്ങള്‍ നേരിട്ട വംശീയ-വര്‍ണ വിവേചനങ്ങള്‍ക്കെതിരെ പോരാടിയ വ്യക്തിത്വമായിരുന്നു ടുടു.
