കല്യാണ വീട്ടില്‍ 'മണാസുണോ' പാടി പിഷാരടി; 'അര്‍ച്ചന 31 നോട്ട്ഔട്ടി'ലെ പുതിയ ഗാനം പുറത്ത്
എന്റര്‍ടെയിന്‍മെന്റ് ഡെസ്‌ക്
Saturday, 29th January 2022, 6:10 pm
ഐശ്വര്യ ലക്ഷ്മി കേന്ദ്രകഥാപാത്രത്തെ അവതരിപ്പിക്കുന്ന ‘അര്‍ച്ചന 31 നോട്ട്ഔട്ട്’ എന്ന ചിത്രത്തിലെ പുതിയ ഗാനം പുറത്ത്. രമേശ് പിഷാരടി പാടിയ ‘മണാസുണോ’ എന്ന് തുടങ്ങുന്ന ഗാനമാണ് പുറത്ത് വന്നിരിക്കുന്നത്.
സ്റ്റുഡിയോയിലെ പാട്ട് പാടുന്ന രംഗങ്ങള്‍ക്കൊപ്പം ചിത്രത്തിലെ ഗാനപശ്ചാത്തലങ്ങളും വീഡിയോയിലുണ്ട്. കല്യാണ വീടിന്റെ പ്രതീതി ജനിപ്പിക്കുന്ന അന്തരീക്ഷത്തിലാണ് ഗാനം ഷൂട്ട് ചെയ്തിരിക്കുന്നത്.
നേരത്തെ പുറത്തിറങ്ങിയ ‘മാനത്തെ ചെമ്പരുന്തേ’ എന്ന ഗാനവും ശ്രദ്ധ നേടിയിരുന്നു. രമേഷ് പിഷാരടിയും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ‘അര്‍ച്ചന 31 നോട്ട് ഔട്ട്’ തിയറ്ററുകളില്‍ തന്നെയാണ് റിലീസ് ചെയ്യുക.
