ന്യൂദല്‍ഹി: ആം ആദ്മി പാര്‍ട്ടി നേതാവും ദല്‍ഹി മുഖ്യമന്ത്രിയുമായ അരവിന്ദ് കെജരിവാളിന്റെ കാര്‍ മോഷം പോയി. ദല്‍ഹി സെക്രട്ടറിയേറ്റിന് സമീപത്തു വച്ചാണ് മോഷണം സംഭവിച്ചത്.
ആംആദ്മി നേതാവിന്റെ ലളിത ജീവിതശൈലിയുടെ ചിഹ്നമായി അറിയപ്പെട്ടിരുന്നതാണ് നീല കുഞ്ഞന്‍ കാര്‍. ദല്‍ഹി സെക്രട്ടേറിയറ്റിന് സമീപം പാര്‍ക്ക് ചെയ്തിരുന്ന നീല “വാഗന്‍-ആര്‍” കാര്‍ ഉച്ചയ്ക്ക് രണ്ട് മണിയോടെ കാണാതാകുകയായിരുന്നു.
കെജരിവാള്‍ പൊതുപ്രവര്‍ത്തനജീവിതം ആരംഭിച്ച കാലം മുതല്‍ ഒപ്പമുണ്ടായിരുന്ന കാറാണ് മോഷ്ടിക്കപ്പെട്ടത്. തെരഞ്ഞെടുപ്പ് കാലത്ത് നീല വാഗന്‍ ആര്‍ കാര്‍ തരംഗം സൃഷ്ടിച്ചിരുന്നു.