കളി മെച്ചപ്പെടുത്താന്‍ പിന്തുടര്‍ന്നത് റയല്‍ മാഡ്രിഡ് ഇതിഹാസത്തെ; വെളിപ്പെടുത്തി ബാഴ്സലോണ താരം
സ്പോര്‍ട്സ് ഡെസ്‌ക്
Friday, 4th August 2023, 11:19 pm
മികച്ച കളിക്കാരനാകാനും കളിയിലെ ഹെഡറുകള്‍ മെച്ചപ്പെടുത്താനും സെര്‍ജിയോ റാമോസിനെയാണ് പിന്തുടര്‍ന്നിരുന്നതെന്ന് ബാഴ്സലോണ താരം അരൗഹോ. മികച്ച പ്രകടനം പുറത്തെടുക്കാന്‍ സാധിക്കാതെ വന്നപ്പോള്‍ അന്ന് റയല്‍ മാഡ്രിഡിന് വേണ്ടി കളിക്കുകയായിരുന്ന റാമോസിന്റെ വീഡിയോസ് കാണാന്‍ പരിശീലകര്‍ തന്നോട് ആവശ്യപ്പെട്ടിരുന്നെന്ന് സ്പാനിഷ് ഔട്ലെറ്റായ മാര്‍ക്കയ്ക്ക് നല്‍കിയ അഭിമുഖത്തില്‍ അരൗഹോ പറഞ്ഞു.
തന്റെ 18ാം വയസില്‍ ബാഴ്സയില്‍ ചേര്‍ന്നപ്പോള്‍ കളി മെച്ചപ്പെടുത്താന്‍ വേണ്ടിയാണ് പരിശീലകര്‍ തന്നോട് റാമോസിന്റെ കളികള്‍ കാണാന്‍ ആവശ്യപ്പെട്ടതെന്നും ഡിഫന്‍ഡിങ്ങില്‍ അദ്ദേഹത്തിന്റെ പെര്‍ഫോമന്‍സ് കണ്ട് തന്റെ കളി ഇംപ്രൂവ് ചെയ്യിക്കുകയായിരുന്നു അവരുടെ ലക്ഷ്യമെന്നും അരൗഹോ പറഞ്ഞു.
