ഐ ഫോണ്‍ കേടായാല്‍ ഇനി പേടിക്കേണ്ട; ചുരുങ്ങിയ ചിലവില്‍ നന്നാക്കാം; സ്‌പെയര്‍പാര്‍ട്‌സുകള്‍ സ്വതന്ത്ര കമ്പനികള്‍ക്ക് വില്‍ക്കാന്‍ ആപ്പിളിന്റെ തീരുമാനം
ഡൂള്‍ന്യൂസ് ഡെസ്‌ക്
Friday, 30th August 2019, 10:59 am
കേടായ ഐ ഫോണുകള്‍ റിപ്പയര്‍ ചെയ്യുന്നതിനായി സ്വതന്ത്ര സ്ഥാപനങ്ങള്‍ക്ക് ഒറിജിനല്‍ സ്‌പെയര്‍ പാര്‍ട്‌സുകളും ടൂളുകളും റിപ്പയര്‍ ഗൈഡുകളും വില്‍ക്കാന്‍ ആപ്പിള്‍ നിര്‍മ്മാതാക്കളുടെ തീരുമാനം.
സ്‌ക്രീന്‍ പൊട്ടിയതും കത്തിപ്പോയ ചാര്‍ജിങ് പോര്‍ട്ടുകള്‍ നന്നാക്കാനുമടക്കം പ്രതിദിനം മില്ല്യണ്‍ കണക്കിന് ഉപഭോക്താക്കള്‍ കമ്പനിയെയും അംഗീകൃത ഏജന്‍സികളെയും സമീപിക്കുന്ന സാഹചര്യത്തിലാണ് കമ്പനിയുടെ തീരുമാനം. ആദ്യം അമേരിക്കയിലാവും ഇത് നടപ്പില്‍ വരുത്തുക. തുടര്‍ന്ന് മറ്റു രാജ്യങ്ങളിലേക്കും വ്യാപിപ്പിക്കും.
