ഇസിസ് ഭീകരവാദികള്‍ക്ക് ഇസ്‌ലാമിന്റെ പേര് ഉപയോഗിക്കാന്‍ പോലും അര്‍ഹതയില്ല. ഈ ഭീകര പ്രവര്‍ത്തനങ്ങളുമായി ഇസ്‌ലാമിനോ മുസ്‌ലീങ്ങള്‍ക്കോ യാതൊരു ബന്ധവുമില്ല ഭീകര പ്രവര്‍ത്തനങ്ങളിലൂടെയല്ല ഇസ്‌ലാം വളര്‍ന്നത്. ഭീകരവാദത്തെയും അതിന് സാഹചര്യമൊരുക്കുന്നവരെയും എല്ലാ അര്‍ത്ഥത്തിലും മാതൃകാപരമായി നേരിടണമെന്നും അദ്ദേഹം പറഞ്ഞു.
ക്രൂരതകളിലൂടെ ഭീകരത ആഘോഷിക്കുന്നവര്‍ ഇരുളടഞ്ഞ ഭാവിയും അപകടകരമായ സന്ദേശവുമാണ് നല്‍കുന്നത്. സമാധാനത്തിനും സൃഹൃദത്തിനും വേണ്ടിയാണ് പണ്ഡിതന്‍മാര്‍ നിലകൊള്ളേണ്ടതെന്നും രാജ്യത്തിന്റെ പൊതു നന്മയ്ക്കായി എല്ലാവര്‍ക്കും ഒന്നിച്ചു പ്രവര്‍ത്തിക്കാന്‍ കഴിയണമെന്നും അദ്ദേഹം ആഹ്വാനം ചെയ്തു.