കുടുംബജീവിതം മാത്രമല്ല നമ്മുടെ ജീവിതം എന്ന് തിരിച്ചറിഞ്ഞത് അതിനുശേഷമാണ്; അനുശ്രീ പറയുന്നു
എന്റര്‍ടെയിന്‍മെന്റ് ഡെസ്‌ക്
Friday, 29th January 2021, 4:37 pm
മലയാളികള്‍ക്ക് ഏറെ ഇഷ്ടപ്പെട്ട നടിയാണ് അനുശ്രീ. പ്രേക്ഷകരുടെ കൈയ്യടി നേടുന്ന വ്യത്യസ്തമായ കഥാപാത്രങ്ങള്‍ അനുശ്രീ ചെയ്തിട്ടുണ്ട്.
ജീവിതവും സിനിമയുമായി ബന്ധപ്പെട്ട ചില നിലപാടുകള്‍ തുറന്നുപറയുകയാണ് ഗൃഹലക്ഷ്മിയ്ക്ക് നല്‍കിയ അഭിമുഖത്തില്‍ അനുശ്രീ. കണ്ണടച്ചു തുറക്കുന്നതിനിടെ ഉണ്ടായ മാറ്റങ്ങളൊന്നും തന്റെ ജീവിതത്തിലില്ലെന്നും സിനിമയില്‍ വന്നതിന് ശേഷമാണ് കാഴ്ചപ്പാടുകള്‍ മാറിയതെന്നും അനുശ്രീ പറയുന്നു.
സിനിമയിലെ ഈ എട്ടുവര്‍ഷങ്ങള്‍ ചിലകാര്യങ്ങളില്‍ വലിയ മാറ്റങ്ങള്‍ വരുത്തിയിട്ടുണ്ട്. ഒരു പക്ഷേ സിനിമയിലേക്ക് വന്നിരുന്നില്ലെങ്കില്‍ ജീവിതം ഇങ്ങനെയൊന്നുമാവില്ലായിരുന്നു. കാഴ്ചപ്പാടില്‍ മാറ്റം വന്നത് സിനിമയില്‍ വന്നശേഷമാണ്.
