ഇഷ്‌ക് എന്ന സിനിമയിലൂടെ ശ്രദ്ധേയനായ സംവിധായകനാണ് അനുരാജ് മനോഹര്‍. ടൊവിനോ നായകനായ നരിവേട്ട എന്ന സിനിമയും സംവിധാനം ചെയ്തത് അദ്ദേഹമായിരുന്നു. അനുരാജ് മനോഹര്‍ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘ശേഖര വര്‍മ രാജാവ്’.
2021ലാണ് ചിത്രം പ്രഖ്യാപിച്ചിരുന്നത്. തുടര്‍ന്ന് ശേഖര വര്‍മ രാജാവിന്റെ ഒരു ടൈറ്റില്‍ പോസ്റ്ററും അണിയറപ്രവര്‍ത്തകര്‍ അന്ന് പുറത്തിറക്കിയിരുന്നു. ഇപ്പോള്‍ നിവിന്‍ പോളി നായകനായ ഈ സിനിമയുടെ ചിത്രീകരണം ആരംഭിച്ചു. പോളി ജൂനിയര്‍ പിക്‌ചേഴ്‌സിന്റെ ബാനറില്‍ നിവിന്‍ പോളി നിര്‍മിക്കുന്ന സിനിമയുടെ തിരക്കഥയും സംഭാഷണവും ഒരുക്കിയത് എസ്. രഞ്ജിത്താണ്. സോഷ്യല്‍ സറ്റയര്‍ വിഭാഗത്തിലുള്ള സിനിമയാണ് ഇത്.
Content Highlight: Anuraj Manohar And Nivin Pauly’s New Film Shekhara Varma Rajavu Shooting Started