അളിയാ പെട്രോളടിച്ച് സിനിമക്ക് പോവാന്‍ 500 രൂപ ജിപേ ചെയ്തു തരുമോയെന്ന് ആരാധകന്‍, നമ്പര്‍ ചോദിച്ചു വാങ്ങി ആന്റണി വര്‍ഗീസ് പെപ്പെ
എന്റര്‍ടെയിന്‍മെന്റ് ഡെസ്‌ക്
Friday, 24th December 2021, 2:49 pm
സ്വാതന്ത്ര്യം അര്‍ദ്ധരാത്രിയില്‍ എന്ന ചിത്രത്തിന് ശേഷം അന്‍ണി വര്‍ഗീസ് പെപ്പെയും ടിനു പാപ്പച്ചനും ഒന്നിച്ച ‘അജഗജാന്തരം’ കഴിഞ്ഞ ദിവസമാണ് റിലീസ് ചെയ്തത്. ചിത്രം വിജയകരമായി തിയറ്ററുകളില്‍ പ്രദര്‍ശിപ്പിച്ചുകൊണ്ടിരിക്കുകയാണ്.
സിനിമ കണ്ടിറങ്ങിയ ഒരു പ്രേക്ഷകന്‍ ആന്റണി വര്‍ഗീസിന്റെ ഇന്‍സ്റ്റഗ്രാം അക്കൗണ്ടില്‍ പോസ്റ്റ് ചെയ്ത കമന്റും അതിന് ആന്റണി നല്‍കിയ മറുപടിയുമാണ് ഇപ്പോള്‍ ചര്‍ച്ചയാവുന്നത്.
‘അളിയാ ഒരു 500 ജിപേ ചെയ്തു താ, പെട്രോള്‍ അടിച്ച് തിയേറ്ററില്‍ പോയി പടം കണ്ടിട്ട് വന്നിട്ട് അഭിപ്രായം ഇടാം. 500 ജനുവരി 5 ന് മുന്‍പ് സാലറി കിട്ടി കഴിഞ്ഞു തിരിച്ചു തരാം,’ എന്നായിരുന്നു ആരാധകന്റെ കമന്റ. പിന്നാല ജിപേ നമ്പര്‍ ആവശ്യപ്പെട്ട് ആന്റണിയുടെ മറുപടിയുമെത്തി.
