ദൃശ്യത്തിന് പിന്നാലെ ബ്രോ ഡാഡിയിലും പൊലീസുകാരനായി ആന്റണി പെരുമ്പാവൂര്‍; ലൊക്കേഷന്‍ ചിത്രങ്ങള്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Wednesday, 1st September 2021, 6:21 pm
ഹൈദരാബാദ്: ദൃശ്യം 2വിന് പിന്നാലെ മോഹന്‍ലാല്‍ നായകനാവുന്ന ബ്രോ ഡാഡിയിലും പൊലീസ് ഉദ്യോഗസ്ഥനായി ആന്റണി പെരുമ്പാവൂര്‍. ചിത്രത്തിന്റെ ലൊക്കേഷന്‍ ചിത്രങ്ങള്‍ പുറത്തുവന്നതോടെയാണ് ബ്രോ ഡാഡിയില്‍ ആന്റണി പെരുമ്പാവൂര്‍ പൊലീസുകാരനായി അഭിനയിക്കുന്ന കാര്യം പുറത്തുവന്നത്.
മോഹന്‍ലാലിനും പൃഥിരാജിനൊപ്പം പൊലീസ് വേഷത്തിലുള്ള ആന്റണിയുടെ ചിത്രമാണ് പുറത്തുവന്നത്. നേരത്തെ മല്ലിക സുകുമാരനും മോഹന്‍ലാലും ഒരുമിച്ച് ഇരിക്കുന്ന ചിത്രവും പുറത്തുവന്നിരുന്നു.
ചിത്രത്തില്‍ മോഹന്‍ലാലിന്റെ മകനായാണ് പൃഥ്വിരാജെത്തുന്നതെന്നും റിപ്പോര്‍ട്ടുകള്‍ ഉണ്ടായിരുന്നു. നേരത്തെ ദൃശ്യം 2 വിലും പ്രണവ് മോഹന്‍ലാല്‍ നായകനായി എത്തിയ ഇരുപത്തിയൊന്നാം നൂറ്റാണ്ട് എന്ന ചിത്രത്തിലും ആന്റണി പെരുമ്പാവൂര്‍ പൊലീസ് ഉദ്യോഗസ്ഥനായി എത്തിയിരുന്നു.
