ലോസ് ഏഞ്ചല്‍സ്: കാലിഫോര്‍ണിയയില്‍ വീണ്ടും വെടിവെപ്പ്. ലോസ് ഏഞ്ചല്‍സിന് സമീപമുള്ള ബെവര്‍ലി ക്രെസ്റ്റിലാണ് അക്രമണം നടന്നതെന്ന് അസോസിയേറ്റഡ് പ്രസ് റിപ്പോര്‍ട്ട് ചെയ്യുന്നു. സംഭവത്തില്‍ മൂന്ന് പേര്‍ മരണപ്പെടുകയും നാല് പേര്‍ക്ക് പരിക്കേല്‍ക്കുകയും ചെയ്തു.
അമേരിക്കന്‍ സമയം പുലര്‍ച്ചെ 2.30നായിരുന്നു ആക്രമണം. ഒരു വാഹനത്തിന് നേരെ അജ്ഞാതന്‍ വെടിയുതിര്‍ക്കുകയായിരുന്നു. ഒരു വാഹനത്തിലുണ്ടായിരുന്നവരാണ് മരിച്ച മൂന്ന് പേരും. ഇവരുടെ പേരുവിവരങ്ങള്‍ പുറത്തുവിട്ടിട്ടില്ല. വെടിയേറ്റ മറ്റ് നാല് പേര്‍ ഗുരുതരാവസ്ഥയില്‍ ചികിത്സയിലാണ്.
കാലിഫോര്‍ണിയയില്‍ ഈ മാസം നടക്കുന്ന നാലാമത്തെ വെടിവെപ്പാണിത്. കഴിഞ്ഞ ഞായറാഴ്ച നടന്ന കൂട്ടവെടിവയ്പ്പില്‍ പതിനൊന്ന് പേര്‍ കൊല്ലപ്പെടുകയും ഒമ്പത് പേര്‍ക്ക് പരിക്കേല്‍ക്കുകയും ചെയ്തിരുന്നു.
#BREAKING There’s been a shooting in a residential area of Beverly Hills. Police confirm their officers found 7 victims. 3 were killed, 4 people hospitalized.
Updates on @ABC7 this morning. https://t.co/a8eFAq2G6p pic.twitter.com/NPqDGYxoHX
— Marc Cota-Robles (@abc7marccr) January 28, 2023
