വീണ്ടുമൊരു ജീത്തു ജോസഫ് - മോഹന്‍ലാല്‍ ചിത്രം; പ്രഖ്യാപിച്ച് ആന്റണി പെരുമ്പാവൂര്‍
എന്റര്‍ടെയിന്‍മെന്റ് ഡെസ്‌ക്
Friday, 21st May 2021, 12:48 pm
കൊച്ചി: ദൃശ്യം 2 വിന്റെ വന്‍ വിജയത്തിന് പിന്നാലെ മോഹന്‍ലാല്‍ – ജീത്തു ജോസഫ് ടീമിന്റെ പുതിയ സിനിമ പ്രഖ്യാപിച്ച് നിര്‍മ്മാതാവ് ആന്റണി പെരുമ്പാവൂര്‍. മനോരമ ന്യൂസിനോടായിരുന്നു ആന്റണിയുടെ പ്രതികരണം.
ജീത്തു ജോസഫിന്റെ സംവിധാനത്തില്‍ ഒരു മോഹന്‍ലാല്‍ ചിത്രം ഒരുങ്ങുന്നുണ്ട്. എന്നാല്‍ ഇത് ദൃശ്യം 3 അല്ല. ദൃശ്യം 2 വിന്റെ ചര്‍ച്ചകള്‍ നടക്കുന്ന സമയത്ത് തന്നെ മറ്റൊരു കഥയും ജീത്തു പറഞ്ഞിരുന്നെന്നും ദൃശ്യം 2 കഴിഞ്ഞ ശേഷം ഇതിനെ കുറിച്ച് ആലോചിക്കാമെന്നുമായിരുന്നു പറഞ്ഞതെന്നും ആന്റണി പെരുമ്പാവൂര്‍ പറഞ്ഞു.
മോഹന്‍ലാലിന്റെ 61 -ാം ജന്മദിനത്തിനോടനുബന്ധിച്ചായിരുന്നു ആന്റണിയുടെ പ്രതികരണം. നിലവില്‍ ഈ സിനിമയുടെ പണിപ്പുരയിലാണെന്നും ആന്റണി പറഞ്ഞു.
അതേസമയം ജീത്തു ജോസഫ് – മോഹന്‍ലാല്‍ ടീമിന്റെ റാം എന്ന സിനിമ ഷൂട്ടിംഗ് പൂര്‍ത്തിയാക്കാനുണ്ട്.
