എ.സി. എനിക്കിഷ്ടമല്ലായിരുന്നു, ഹെലന് ശേഷം എ.സി. അറിയുന്നുപോലുമില്ല; അന്ന ബെന്‍ പറയുന്നു
എന്റര്‍ടെയിന്‍മെന്റ് ഡെസ്‌ക്
Monday, 5th July 2021, 2:34 pm
ഹെലന് എന്ന ചിത്രത്തില്‍ കേന്ദ്രകഥാപാത്രത്തെ അവതരിപ്പിച്ച് പ്രേക്ഷകപ്രശംസ നേടിയ നടിയാണ് അന്ന ബെന്‍. ഹെലന് എന്ന കഥാപാത്രത്തിന് നിരവധി അവാര്‍ഡുകളും അന്നയെ തേടിയെത്തിയിരുന്നു.
അപ്രതീക്ഷിതമായി കോള്‍ഡ് സ്റ്റോറേജ് റൂമില്‍ അകപ്പെട്ട ഹെലനെ അവതരിപ്പിച്ചപ്പോഴുള്ള അനുഭവമാണ് ബിഹൈന്‍ഡ് വുഡ്‌സിന് നല്‍കിയ അഭിമുഖത്തില്‍ അന്ന ബെന്‍ പങ്കുവെക്കുന്നത്.
എ.സിപോലും ഇഷ്ടമില്ലാതിരുന്ന തനിക്ക് ഹെലനില്‍ അഭിനയിച്ചതിന് ശേഷം എ.സിയുള്ളത് അറിയുന്നുപോലുമില്ലെന്നാണ് അന്ന പറയുന്നത്. അത്രയും തണുപ്പുള്ള മുറിയില്‍ തന്നെയാണ് യഥാര്‍ത്ഥത്തില്‍ ഷൂട്ട് ഉണ്ടായതെന്നും നടി പറയുന്നു.
സിനിമയുടെ ടീമിലെ കുറേയധികം പേര്‍ മുറിക്കകത്ത് ഉണ്ടായിരുന്നെങ്കിലും തന്നെക്കൂടാതെ ബാക്കിയുള്ളവരെല്ലാം ഗ്ലൗസും സ്വെറ്ററും ധരിച്ചാണ് അകത്തുണ്ടായിരുന്നതെന്നും അന്ന പറഞ്ഞു.
