അപൂര്‍വ രോഗം ബാധിച്ച മകന് ദയാവധം തേടി അമ്മ കോടതിയില്‍; വീട്ടിലേക്ക് പോകുന്നതിനിടെ ഓട്ടോയില്‍വെച്ച് മകന് മരിച്ചു
ഡൂള്‍ന്യൂസ് ഡെസ്‌ക്
Wednesday, 2nd June 2021, 4:54 pm
ഹൈദരാബാദ്: അപൂര്‍വ രക്ത രോഗം ബാധിച്ച മകന് ദയാവധം തേടി അമ്മ കോടതിയില്‍ നിന്നിറങ്ങിയതിന് പിന്നാലെ മകന് മരിച്ചു. കോടതിയില്‍ നിന്ന് വീട്ടിലേക്ക് മടങ്ങുന്നതിനിടെ ഓട്ടോയില്‍ വെച്ചാണ് ഒമ്പത് വയസുകാരനായ ഹര്ഷവര്ധന് ദയവധത്തിന് കാത്തുനില്‍ക്കാതെ മരിച്ചത്.
അപൂര്‍വ രോഗവുമായി ജനിച്ച ഹര്ഷവര്ധന് നാലുവര്‍ഷം മുന്‍പുണ്ടായ അപകടത്തെ തുടര്‍ന്ന് കിടപ്പിലായിരുന്നുവെന്ന് അമ്മ അരുണ പറയുന്നു. പൂങ്കനൂരിലെ കോടതിയില്‍ അരുണ ദയാവധത്തിന് അനുമതി തേടി ഹരജി ഫയല്‍ ചെയ്തിരുന്നു.
ഇതിന് ശേഷം മടങ്ങവെയാണ് ഹര്ഷവര്ധന് മരിച്ചത്.
ആന്ധ്രാപ്രദേശിലെ ചിറ്റൂര്‍ ജില്ലയിലെ ഗ്രാമത്തിലാണ് ഇവര്‍ താമസിക്കുന്നത്. ഹര്ഷവര്ധന് നാലു വയസ്സായിരുന്നപ്പോഴാണ് രോഗത്തെക്കുറിച്ചറിഞ്ഞത്.
