നടന്‍ എന്ന നിലയിലും അവതാരകന്‍ എന്ന നിലയിലും മലയാളികളുടെ ഇഷ്ടം നേടിയെടുത്ത ആളാണ് മിഥുന്‍ രമേശ്. കടുത്ത മോഹന്‍ലാല്‍ ആരാധകനായ മിഥുന്‍ അഭിനയ ജീവിതത്തിന്റെ തുടക്കകാലത്ത് താന്‍ ദൃക്സാക്ഷിയായ ഒരു സംഭവത്തെ കുറിച്ച് പറഞ്ഞ കാര്യമാണ് ഇപ്പോള്‍ ഡോഷ്യല്‍ മീഡിയയില്‍ വൈറലാകുന്നത്.
ജോഷി സംവിധാനം ചെയ്ത റണ്‍വേയുടെ സെറ്റില്‍ വെച്ച് തന്നെ കുറിച്ചുള്ള ഒരു സംസാരത്തിന്റെ ഇടയില്‍ നടന്‍ മുരളി മോഹന്‍ലാലിനെ കുറിച്ച് പറഞ്ഞ കാര്യമാണ് ഇത്.
കടുത്ത ലാലേട്ടന്‍ ആരാധകനായത് കൊണ്ട് തന്നെ തുടക്കകാലത്ത് താന്‍ അഭിനയിച്ച സിനിമകളിലും തന്റെ നടപ്പിലുമൊക്കെ മോഹന്‍ലാല്‍ മാനറിസങ്ങള്‍ ഉണ്ടായിരുന്നുവെന്ന് മിഥുന്‍ പറയുന്നു.
അത്തരത്തില്‍ റണ്‍വേയുടെ സെറ്റില്‍ ഒരു സീന്‍ അഭിനയിച്ച ശേഷം ആ സീനിലെ അഭിനയം നന്നായി വന്നു അതിന് എല്ലാവരും അഭിനന്ദിച്ച കൂട്ടത്തില്‍ തനിക്ക് നടത്തത്തില്‍ ഒരു ചരിവ് ഉണ്ടെന്നും അത് മാറ്റണമെന്നും ചിലര്‍ പറഞ്ഞതായും മിഥുന്‍ പറയുന്നു.
ഇതെല്ലാം കേട്ടുകൊണ്ട് സിഗരറ്റ് വലിച്ചുകൊണ്ടിരുന്ന നടന്‍ മുരളി ചിരിച്ച ശേഷം പണ്ട് ഇവന്മാരെല്ലാം ഒരുത്തന്റെ ചരിവ് മാറ്റാന്‍ ശ്രമിച്ചതാണ് എന്ന് പറഞ്ഞുവെന്നും മിഥുന്‍ കൂട്ടിച്ചേര്‍ക്കുന്നു.
‘ഞാനൊരു കടുത്ത മോഹന്‍ലാല്‍ ആരാധകനാണ്, ബൈക്കിലൊക്കെ പണ്ട് പോകുമ്പോള്‍ ചെരിഞൊക്കെയാണ് പോകുന്നത്, റണ്‍വേയുടെ ഷൂട്ടിങ് സമയത്ത് അതില്‍ മുരളി സാര്‍ എന്റെ അച്ഛന്‍ ആയിട്ട് ആണല്ലോ…, ഞാന്‍ ഒരു ലെങ്ത്തി ഡയലോഗ് അഭിനയിച്ച ശേഷം നല്ല കയ്യടികള്‍ കിട്ടി, അങ്ങനെ ഞാന്‍ അഭിനേതാക്കള്‍ എല്ലാം ഇരിക്കുന്ന റൂമിലേക്ക് വന്നപ്പോള്‍ അവിടെയും പലരും എന്നെ അഭിനന്ദിച്ചു,
അങ്ങനെ ഓരോന്ന് പറയുന്ന കൂട്ടത്തില്‍ ഞാന്‍ നടക്കുമ്പോഴുള്ള ചരിവും കുഞ്ഞും മാറ്റണമെന്ന് ചിലര്‍ അഭിപ്രായപ്പെട്ടു. ഇതൊക്കെ കേട്ട് ഒരു സിഗരറ്റും വലിച്ചിരുന്ന മുരളി സാര്‍ ഒന്ന് ചിരിച്ചിട്ട് പണ്ട് ഇവന്മാരെല്ലാം കൂടി ഒരുത്തന്റെ ചരിവ് മാറ്റാന്‍ ശ്രമിച്ചതാണ് എന്ന് പറഞ്ഞു,’ മിഥുന്‍ പറയുന്നു.
തനിക്ക് ആദ്യം അത് മനസിലായില്ലയെന്നും പിന്നീട് ആലോചിച്ചപ്പോള്‍ ആണ് ആരെ പറ്റിയാണ് പറഞ്ഞതെന്ന് മനസിലായതെന്നും മിഥുന്‍ കൂട്ടിച്ചേര്‍ക്കുന്നു.
എഡിറ്റോറിയല്‍ എന്ന യൂട്യൂബ് ചാനലിന് നല്‍കിയ അഭിമുഖത്തിലാണ് മിഥുന്‍ ഇക്കാര്യം പറഞ്ഞത്.
അതേസമയം മിഥുന്‍ പറഞ്ഞ വാക്കുകള്‍ ഇപ്പോള്‍ സോഷ്യല്‍ മീഡിയയില്‍ വൈറലാകുകയാണ്.
മിഥുന്‍ പറഞ്ഞ വാക്കുകളിലെ മോഹന്‍ലാല്‍ റഫറന്‍സാണ് സോഷ്യല്‍ മീഡിയയില്‍ നിരവധി പേര്‍ ഷെയര്‍ ചെയ്യുന്നത്.
Content Highlight: Anchor Mithun ramesh talking about the words of Actor murali about Mohanlal