മിഥുന്‍ രമേശ് നായകനാവുന്നു; 'ജിമ്മി ഈ വീടിന്റെ ഐശ്വര്യം' ചിത്രീകരണം പൂര്‍ത്തിയായി
എന്റര്‍ടെയിന്‍മെന്റ് ഡെസ്‌ക്
Monday, 30th September 2019, 3:07 pm
ദുബായ്: അഭിനേതാവായും ഡബ്ബിംഗ് ആര്‍ട്ടിസ്റ്റായും അവതാരകനായുമെല്ലാം പ്രേക്ഷകരുടെ ഹൃദയം കവര്‍ന്ന താരമാണ് മിഥുന്‍ രമേശ്. ഇപ്പോളിത മിഥുന്‍ നായകനാവുന്നു.
കുഞ്ചാക്കോ ബോബന്‍ പ്രധാന വേഷത്തിലെത്തി പുറത്തിറങ്ങിയ ശിക്കാരി ശംഭു സിനിമയുടെ എഴുത്തുകാരില്‍ ഒരാളായ രാജു ചന്ദ്ര ആദ്യമായി തിരക്കഥയെഴുതി സംവിധാനം ചെയുന്ന ജിമ്മി ഈ വീടിന്റെ ഐശ്വര്യം എന്ന ചിത്രത്തിലാണ് മിഥുന്‍ രമേശ് നായകവേഷത്തിലെത്തുന്നത്.
ഗോള്‍ഡന്‍ എസ് പിക്ച്ചറിന്റെ ബാനറില്‍ സിനോ ജോണ്‍ തോമസ് ശ്യാംകുമാര്‍ എസ് എന്നിവര്‍ ചേര്‍ന്ന് നിര്‍മിക്കുന്ന ചിത്രം പൂര്‍ണമായും ദുബായില്‍ ചിത്രീകരിക്കുന്ന ആദ്യ മലയാള സിനിമ കൂടെയാണ്.
