ഉക്രൈന് മേലുള്ള ആക്രമണത്തില്‍ പ്രതിഷേധിച്ച് രാജി; പിന്നാലെ രാജ്യം വിട്ട് മുതിര്‍ന്ന റഷ്യന്‍ പ്രതിനിധി
ഡൂള്‍ന്യൂസ് ഡെസ്‌ക്
Wednesday, 23rd March 2022, 10:45 pm
മോസ്‌കോ: അന്താരാഷ്ട്ര പ്രതിനിധി സ്ഥാനം രാജിവെച്ച് മുതിര്‍ന്ന് റഷ്യന്‍ ഉദ്യോഗസ്ഥന്‍ അനാറ്റോളി ചുബൈസ്. റഷ്യ ഉക്രൈന് മേല്‍ അധിനിവേശം നടത്തിയതിന് ശേഷം രാജി വെക്കുന്ന ഏറ്റവും മുതിര്‍ന്ന ഉദ്യോഗസ്ഥനാണ് ചുബൈസ്.
രാജിക്ക് പിന്നാലെ അദ്ദേഹം രാജ്യം വിട്ടു. നിലവില്‍ ചുബൈസ് ഭാര്യയോടൊപ്പം തുര്‍ക്കിയിലാണെന്ന് റഷ്യന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു.
1990 കളില്‍ മുന്‍ പ്രസിഡന്റ് ബോറിസ് യെല്‍റ്റ്സിന്റെ സാമ്പത്തിക പരിഷ്‌കാരങ്ങള്‍ നടപ്പിലാക്കുന്നതില്‍ പ്രധാന പങ്കുവഹിച്ച ചുബൈസ് പ്രസിഡന്റ് വ്‌ളാഡിമിര്‍ പുടിന്റെ കീഴില്‍ വിവിധ ബിസിനസ്സ്, രാഷ്ട്രീയ രംഗങ്ങളിലും സേവനമനുഷ്ടിച്ചിട്ടുണ്ട്.
