തിരക്കഥാകൃത്ത് സച്ചി ആദ്യമായി സംവിധാനം ചെയ്യുന്ന ചിത്രമാണ് അനാര്‍ക്കലി. പൂര്‍ണമായും ലക്ഷദ്വീപില്‍ ചിത്രീകരിച്ച സിനിമ കൂടിയാണ് ഇത്.
മലയാള സിനിമാസംവിധായകനായ ശ്യാമപ്രസാദ്, മധുപാല്‍,മേജര്‍രവി, രണ്‍ജി പണിക്കര്‍ വി.കെ പ്രകാശ് എന്നിവരും ചിത്രത്തില്‍ വേഷമിടുന്നുണ്ട്.
ഓര്‍ഡിനറി എന്ന ഹിറ്റ് ചിത്രത്തിന് ശേഷം മാജിക് മൂണ്‍ ബാനറില്‍ രാജീവ്‌നായര്‍ നിര്‍മിക്കുന്ന ഈ ചിത്രത്തില്‍ പ്രശസ്ത ഹിന്ദി ചലച്ചിത്ര താരം പ്രിയാല്‍ ഗോറാണ് നായികാകഥാപാത്രത്തെ അവതരിപ്പിക്കുന്നത്.
പൃഥ്വിരാജാണ് നായകന്‍, ബിജു മേനോനും ഒരു പ്രധാന വേഷത്തിലെത്തുന്നുണ്ട്. ചിത്രത്തില്‍ പൃഥ്വിരാജ് ആഴക്കടല്‍ മുങ്ങല്‍ വിദഗ്ധനും ഇന്‍സ്ട്രക്ടറുമായ ശന്തനു എന്ന കഥാപാത്രത്തെയാണ് അവതരിപ്പിക്കുന്നത്.
ബിജു മേനോന്‍ സക്കറിയ എന്ന ഒരു ലൈറ്റ് ഹൗസ് ഓപ്പറേറ്ററായാണ് എത്തുന്നത്. സച്ചി തന്നെ തിരക്കഥയെഴുതുന്ന ഈ ചിത്രത്തിന്റെ ഛായാഗ്രഹണം നിര്‍വഹിക്കുന്നത് സുജിത് വാസുദേവാണ്.
ലക്ഷദ്വീപിലെ കവരത്തി ദ്വീപില്‍ വെച്ച് ആദ്യമായി ഷൂട്ട് ചെയ്യുന്ന മലയാള സിനിമകൂടിയാണ് അനാര്‍ക്കലി.