ന്യൂയോര്‍ക്ക്: അമേരിക്കന്‍ പ്രസിഡന്റിന്റെ വസതിയായ വൈറ്റ് ഹൗസിലേക്ക് വാഹനം ഇടിച്ചുകയറ്റിയ ഇന്ത്യന്‍ വംശജന്‍ അറസ്റ്റില്‍. 19 കാരനായ സായ് വര്‍ഷിത് കണ്ടൂല എന്നയാളാണ് അറസ്റ്റിലായത്. തിങ്ങളാഴ്ച രാത്രി പത്ത് മണിയോടെയാണ് സംഭവം നടന്നതെന്ന് വിവിധ അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. മിസോറിയില്‍ നിന്നുള്ള ഇന്ത്യന്‍ വംശജനാണ് സായ് വര്‍ഷിതെന്ന് ദി ന്യൂ ഇന്ത്യന്‍ എക്‌സ്പ്രസ് റിപ്പോര്‍ട്ടില്‍ പറഞ്ഞു.
Indian-origin Hindu Sai Varshith Kandula, sees himself as a White Supremacist and was carrying Nazi flag, intentionally crashed a truck into White House as a terror attack to kill the US President and Vice President. No news on Indian media. pic.twitter.com/Wf9cL0UreS
— Ashok Swain (@ashoswai) May 23, 2023
വൈറ്റ് ഹൗസിന് സമീപമുള്ള ലഫായെറ്റ് സ്‌ക്വയറിന്റെ സുരക്ഷാ ബാരിക്കേഡിലേക്ക് വാടകക്കെടുത്ത ട്രക്ക് മനപ്പൂര്‍വം ഓടിച്ച് കയറ്റുകയായിരുന്നുവെന്നാണ് സുരക്ഷ ഉദ്യോഗസ്ഥരെ ഉദ്ധരിച്ച് അന്താരഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇതിന് ശേഷം വാഹനത്തില്‍ നിന്ന് ഇറങ്ങി ഇയാള്‍ ആക്രോശിച്ചെന്നും ഇദ്ദേഹത്തിന്റെ കയ്യില്‍ നാസി പതാകയുണ്ടായിരുന്നെന്നും സുരക്ഷ ഉദ്യോഗസ്ഥര്‍ പറഞ്ഞു.
