അദ്ദേഹത്തെ ഉടനെ വിട്ടയക്കണം, സല്‍മാന്‍ രാജാവിന് അടിയന്തര കത്തയച്ച് ആംനസ്റ്റി ഇന്റര്‍നാഷണല്‍
ഡൂള്‍ന്യൂസ് ഡെസ്‌ക്
Friday, 14th August 2020, 3:06 pm
ലണ്ടന്‍:സൗദി അറേബ്യന്‍ ഭരണാധികാരി സല്‍മാന്‍ ബിന്‍ അബ്ദുള്‍ അസീസിന് അടിയന്തര കത്തയച്ച് അന്താരാഷട്ര മനുഷ്യാവകാശ സംഘ
ടനയായ ആംനസ്റ്റി ഇന്റര്‍നാഷണല്‍. ഫലസ്തീനിലെ ഹമാസിന്റെ പ്രതിനിധികളിലൊരാളായ ഡോ. മുഹമ്മദ് അല്‍ ഖോദാരിയെയും ഇദ്ദേഹത്തിന്റെ മകനെയും എത്രയും പെട്ടന്ന് തടവില്‍ നിന്നും മോചിപ്പിക്കണമെന്നാണ് കത്തില്‍ ആവശ്യപ്പെടുന്നത്. ക്യാന്‍സര്‍ രോഗിയായ അല്‍ ഖോദാരിക്ക് തുടര്‍ച്ചയായ ചികിത്സ ആവശ്യമാണെന്നാണ് കത്തില്‍ പറയുന്നത്.
2019 ഏപ്രിലിലാണ് 82 കാരനായ അല്‍ ഖോദാരിയെയും മക്കയിലെ ഉം അല്‍-ഖുറ യൂണിവേഴ്‌സിറ്റിയിലെ അധ്യാപകനായിരുന്ന ഇദ്ദേഹത്തിന്റെ മകന്‍ ഹാനിയെയും സൗദി സുരക്ഷാ ഉദ്യോഗസ്ഥര്‍ അറസ്റ്റ് ചെയ്തത്. തീവ്രവാദ സംഘടനകള്‍ക്ക് ധനസഹായം നല്‍കുന്നെന്ന് ആരോപിച്ചായിരുന്നു അറസ്റ്റ്.
