വിമര്‍ശനം കടുത്തു; പണം തിരികെ കൊടുത്ത് പാന്‍ മസാല പരസ്യത്തില്‍ നിന്ന് പിന്മാറി അമിതാഭ് ബച്ചന്‍
ഡൂള്‍ന്യൂസ് ഡെസ്‌ക്
Monday, 11th October 2021, 2:49 pm
മുംബൈ: രാജ്യത്തെ ഒരു പ്രമുഖ പാന്‍ മസാല കമ്പനിയുടെ പരസ്യത്തില്‍ നിന്നും ബോളിവുഡ് നടന്‍ അമിതാഭ് ബച്ചന്‍ പിന്മാറി.
പരസ്യത്തില്‍ അഭിനയിക്കാന്‍ വാങ്ങിച്ച പണം മടക്കി നല്‍കിയതായും അമിതാഭ് ബച്ചനുമായി ബന്ധപ്പെട്ട വൃത്തങ്ങള്‍ പറഞ്ഞു.
അമിതാഭ് ബച്ചന്‍ അഭിനയിച്ച പുതിയ പരസ്യം പാന്‍ മസാല കമ്പനി പുറത്തിറക്കിയിട്ട് ഒരാഴ്ച മാത്രമാണ് ആവുന്നത്. ബച്ചന്‍ പാന്‍ മസാലയുടെ പരസ്യത്തില്‍ അഭിനയിക്കുന്നതിനെതിരെ വിവിധ കോണുകളില്‍ നിന്നും എതിര്‍പ്പ് ഉയര്‍ന്നിരുന്നു.
