അമിത് ചക്കാലക്കലിന്റെ യുവം റിലീസ് പ്രഖ്യാപിച്ചു; ചിത്രം എത്തുക ഫെബ്രുവരിയില്‍
എന്റര്‍ടെയിന്‍മെന്റ് ഡെസ്‌ക്
Sunday, 3rd January 2021, 9:11 am
കൊച്ചി: യുവതാരം അമിത് ചക്കാലക്കല്‍ നായകനാവുന്ന പുതിയ ചിത്രം യുവം റിലീസ് പ്രഖ്യാപിച്ചു. 2021 ഫെബ്രുവരിയിലാണ് ചിത്രം റിലീസ് ചെയ്യുന്നത്. കേരളത്തിലെ തിയേറ്ററുകള്‍ തുറക്കാനുള്ള തീരുമാനത്തിന് പിന്നാലെയാണ് ചിത്രം റിലീസ് പ്രഖ്യാപിച്ചത്.
നിവിന്‍ പോളി നായകനായ തുറമുഖം, ഫഹദ് ചിത്രം മാലിക്ക് തുടങ്ങിയ ചിത്രങ്ങളും റിലീസ് പ്രഖ്യാപിച്ചിരുന്നു. യുവത്തിന്റെ ടീസര്‍ നേരത്തെ പുറത്തിറങ്ങിയിരുന്നു.
വണ്‍സ് അപ്പോണ്‍ എ ടൈം പ്രൊഡക്ഷന്‍സിന്റെ ബാനറില്‍ ജോണി മക്കോറ നിര്‍മ്മിക്കുന്ന ചിത്രം സംവിധാനം ചെയ്യുന്നത് പിങ്കു പീറ്ററാണ്. അമിത് ചക്കാലക്കല്‍, ഡയാന ഹമീദ്, അഭിഷേക് രവീന്ദ്രന്‍, നിര്‍മല്‍ പാലാഴി എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്.
