ആമിര്‍ഖാന്‍ ചിത്രം 'പികെ'യുടെ ടീസര്‍ പുറത്തിറങ്ങി

മുംബൈ: പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ആമിര്‍ഖാന്‍ ചിത്രം “പികെ”യുടെ ടീസര്‍ പുറത്തിറങ്ങി. ചിത്രത്തിന്റെ പ്രൊമോഷന്റെ ഭാഗമായിറങ്ങിയ ആമിര്‍ഖാന്റെ മഗ്നചിത്രങ്ങള്‍ നേരത്തെ ഏറെ വിവാദങ്ങള്‍ക്കുവഴിവെച്ചിരുന്നു.

ത്രീ ഇഡിയറ്റ്‌സ്, ലഗേ രഹോ മുന്നാബായ്, മുന്നാബായ് എംബിബിഎസ് തുടങ്ങിയ ചിത്രങ്ങള്‍ സംവിധാനം ചെയ്ത രാജ്കുമാര്‍ ഹിരാനിയാണ് ചിത്രത്തിന്റെ സംവിധായകന്‍.

ആമിര്‍ഖാനും അനുഷ്‌കശര്‍മയുമാണ് പ്രധാന കഥാപാത്രങ്ങളെ അവതരിപ്പിക്കുന്നത്. സഞ്ജയ് ദത്ത്, ബൊമന്‍ ഇറാനി, സുഷാന്ത് രജ്പുത്ത് എന്നിവര്‍ മറ്റു പ്രധാന വേഷങ്ങളെ അവതരിപ്പിക്കുന്നു.

വിനോദ് ചോപ്ര ഫിലിംസും ഹിരാനിയും യുടിവിയും ചേർന്നാണ് ചിത്രം നിര്‍മ്മിക്കുന്നത്. തന്റെ മറ്റു ചിത്രങ്ങളിലേതു പോലെ തന്നെ തമാശക്ക് ഏറെ പ്രാധാന്യം നല്കിത്തന്നെയാണ് രാജ്കുമാര്‍ ഹിരാനി പികെയും ഒരുക്കിയിരിക്കുന്നത്. ഡിസംബര്‍ 19 ന് ചിത്രം പുറത്തിറങ്ങും.
//www.youtube.com/v/82ZEDGPCkT8?version=3&hl=en_US&rel=0&controls=0