അനാഥരായ പെണ്‍കുട്ടികളെ ലൈംഗികമായി പീഡിപ്പിച്ചു; യു.എസില്‍ 84കാരനായ മുന്‍ പുരോഹിതന് 12 വര്‍ഷം തടവ്
ഡൂള്‍ന്യൂസ് ഡെസ്‌ക്
Tuesday, 21st December 2021, 1:43 pm
ന്യൂയോര്‍ക്ക്: അമേരിക്കയില്‍ കുട്ടികള്‍ക്കെതിരായ ലൈംഗിക അതിക്രമത്തിന്റെ പേരില്‍ മുന്‍ പുരോഹിതനെ 12 വര്‍ഷത്തെ ജയില്‍ശിക്ഷക്ക് വിധിച്ചു.
84കാരനായ റിച്ചാര്‍ഡ് ഡാഷ്ബാക്കിനാണ് ശിക്ഷ ലഭിച്ചത്. ഈസ്റ്റ് ടിമൊറിലെ കോടതിയാണ് ചൊവ്വാഴ്ച ശിക്ഷാവിധി പുറപ്പെടുവിച്ചത്.
പുരോഹിതനായിരിക്കെ തന്റെ സംരക്ഷണയില്‍ കഴിഞ്ഞുപോന്ന അനാഥരായ നിരവധി പെണ്‍കുട്ടികളെ ലൈംഗികമായി പീഡിപ്പിച്ചു എന്നതായിരുന്നു ഇയാള്‍ക്കെതിരായ കേസ്.
അമേരിക്കയില്‍ പുരോഹിതനായിരുന്നയാള്‍ക്കെതിരായ ലൈംഗിക കുറ്റകൃത്യക്കേസ് വിചാരണ വരെ എത്തുന്നത് തന്നെ ആദ്യത്തെ സംഭവമാണ്.
