ഈസ്റ്റ് ഇന്ത്യാ കമ്പനി 2.0 വിമര്‍ശനം; ആര്‍.എസ്.എസിന് മറുപടിയുമായി ആമസോണ്‍
ഡൂള്‍ന്യൂസ് ഡെസ്‌ക്
Monday, 27th September 2021, 8:12 pm
ന്യൂദല്‍ഹി: ഈസ്റ്റ് ഇന്ത്യാ കമ്പനി 2.0 എന്ന ആര്‍.എസ്.എസ് വിമര്‍ശനത്തിന് മറുപടിയുമായി ആമസോണ്‍. തങ്ങള്‍ കാരണം ചെറുകിട വ്യാപാരികള്‍ നഷ്ടം നേരിടുകയാണെന്ന ആരോപണത്തെ ആമസോണ്‍ തള്ളി.
ചെറുകിട വ്യാപാരത്തില്‍ മികച്ച സ്വാധീനം ചെലുത്താന്‍ ആമസോണിന് സാധിച്ചിട്ടുണ്ടെന്ന് കമ്പനി പ്രസ്താവനയില്‍ പറഞ്ഞു.
ആമസോണ്‍ മുന്‍ സി.ഇ.ഒയും ശതകോടീശ്വരനുമായ ജെഫ് ബെസോസിന്റെ മുഖചിത്രത്തോടെയാണ് ആര്‍.എസ്.എസ് ‘പാഞ്ചജന്യ’ പുതിയ ലക്കം പുറത്തിറക്കിയിരിക്കുന്നത്.
ഇന്ത്യയില്‍ കുത്തക സൃഷ്ടിക്കാനാണ് ആമസോണിന്റെ ശ്രമമെന്നും പാഞ്ചജന്യ കവര്‍‌സ്റ്റോറിയില്‍ ആരോപിച്ചിരുന്നു. ഇന്ത്യന്‍ സംസ്‌കാരത്തിന് എതിരായ സിനിമകളും ടെലിവിഷന്‍ സീരീസുകളും ആമസോണ്‍ പ്രൈം വീഡിയോ പ്ലാറ്റ്‌ഫോമില്‍ റിലീസ് ചെയ്യുന്നുണ്ടെന്നും പാഞ്ചജന്യ ആരോപിക്കുന്നു.
