മുസ്‌ലിം വിരുദ്ധത പടര്‍ത്തി വ്യാജ വീഡിയോയുമായി മാധ്യമപ്രവര്‍ത്തകന്റെ ചാനല്‍ ഷോ; പിന്നാലെ ട്വിറ്ററില്‍ ഫോളോ ചെയ്ത് മോദി
ഡൂള്‍ന്യൂസ് ഡെസ്‌ക്
Monday, 22nd November 2021, 5:50 pm
മുംബൈ: മുസ്‌ലിം വിരുദ്ധത പടര്‍ത്തി ന്യൂസ് 18 ഇന്ത്യ മാധ്യമപ്രവര്‍ത്തകന്റെ ചാനല്‍ ഷോ. ന്യൂസ് 18 ഇന്ത്യയിലെ അമന്‍ ചോപ്രയാണ് വ്യാജവീഡിയോ അടിസ്ഥാനമാക്കി കടുത്ത ഇസ്‌ലാമോഫോബിക് വാദങ്ങള്‍ നിരത്തി ചര്‍ച്ച സംഘടിപ്പിച്ചത്.
മുസ്‌ലിങ്ങള്‍ നടത്തുന്ന ഹോട്ടലുകളില്‍ ഭക്ഷണം പാകം ചെയ്യുന്നതിന് മുന്‍പ് തുപ്പുന്നുവെന്നും ഇത് തുപ്പല്‍ ജിഹാദാണെന്നുമായിരുന്നു അദ്ദേഹത്തിന്റെ ചര്‍ച്ചയുടെ ഉള്ളടക്കം.
2021 നവംബര്‍ 15ന് ഗാസിയാബാദിലെ ലോനിയില്‍ നിന്നുള്ള ഒരു മുസ്‌ലിം ഭക്ഷണശാല തൊഴിലാളിയുടെ വീഡിയോ സോഷ്യല്‍ മീഡിയയില്‍ വ്യാപകമായി പ്രചരിച്ചിരുന്നു. ഇതിനെ അടിസ്ഥാനമാക്കിയായിരുന്നു അമന്‍ ചോപ്രയുടെ ചര്‍ച്ച.
ഭക്ഷണത്തില്‍ തുപ്പുന്നത് ജിഹാദോ? പ്രാകൃതമോ? എന്നായിരുന്നു ചര്‍ച്ചയുടെ തലക്കെട്ട്. മതമല്ല വിഷയം വൃത്തിയാണ് എന്ന് പറഞ്ഞായിരുന്നു അമന്‍ ചോപ്ര ചര്‍ച്ച ആരംഭിച്ചത്.
