അനാര്‍ക്കലി മരിയ്ക്കാറും ശരത് അപ്പാനിയും പ്രധാന വേഷത്തിലെത്തി നവാഗതനായ നിഷാദ് ഇബ്രാഹിം സംവിധാനം ചെയ്യുന്ന പാന്‍ ഇന്ത്യന്‍ ചിത്രമായ ‘അമലയുടെ’ ഒഫീഷ്യല്‍ ടീസര്‍ പുറത്തിറങ്ങി. മസ്‌കോട്ട് പ്രൊഡക്ഷന്‍സിന്റെയും ടോമ്മന്‍ എന്റര്‍ടെയ്ന്‍മെന്‍സിന്റെയും ബാനറില്‍ മുഹ്‌സിന നിഷാദ് ഇബ്രാഹിം നിര്‍മിക്കുന്ന ചിത്രം ഒരേ സമയം മലയാളത്തിലും തമിഴിലും, തെലുങ്കിലും ഉള്‍പ്പെടെ 3 ഭാഷകളില്‍ ഒരുങ്ങുന്ന ഒരു സസ്പെന്‍സ് സൈക്കോ ത്രില്ലര്‍ ആണ്.
അനാര്‍ക്കലി മരയ്കാര്‍ക്കും ശരത് അപ്പാനിക്കും ഒപ്പം രജിഷ വിജയന്‍, ശ്രീകാന്ത്, സജിത മഠത്തില്‍, ചേലാമറ്റം ഖാദര്‍, ഷുഹൈബ് എംബിച്ചി, നന്ദിനി, നൈഫ്, നൗഷാദ്, വൈഷ്ണവ്, ആന്‍മരിയ ബിട്ടോ ഡേവിഡ്‌സ്, എന്നീ താരങ്ങളും ഈ ചിത്രത്തില്‍ പ്രധാന വേഷങ്ങളില്‍ എത്തുന്നു. ചിത്രത്തിന്റെ ക്യാമറ അഭിലാഷ് ശങ്കറും, സംഗീതം ഗോപി സുന്ദറും, എഡിറ്റിങ് നൗഫല്‍ അബ്ദുള്ളയും നിര്‍ഹിക്കുന്നു.
