ഞാന്‍ പരിക്കേറ്റ് വീട്ടിലിരിക്കുമ്പോഴാണ് അവര്‍ ജോലിയ്ക്ക് കയറി ശമ്പളം വാങ്ങുന്നത്; മീന്‍കൊട്ട തട്ടിത്തെറിപ്പിച്ച ജീവനക്കാരെ തിരികെയെടുക്കുന്നതിനെതിരെ മത്സ്യതൊഴിലാളി അല്‍ഫോന്‍സ
ഡൂള്‍ന്യൂസ് ഡെസ്‌ക്
Friday, 3rd September 2021, 11:55 am
തിരുവനന്തപുരം: മീന്‍കൊട്ട തട്ടിത്തെറിപ്പിച്ച സംഭവത്തില്‍ സസ്‌പെന്‍ഷനിലായിരുന്ന ആറ്റിങ്ങല്‍ നഗരസഭാ ജീവനക്കാരെ തിരികെ ജോലിയില്‍ എടുത്ത നടപടിക്കെതിരെ മത്സ്യം വില്‍പ്പന നടത്തിയ അല്‍ഫോന്‍സ.
താന്‍ പരിക്കേറ്റ് വിട്ടിലിരിക്കുമ്പോഴാണ് ജീവനക്കാരെ ജോലിയ്ക്ക് തിരികെയെടുക്കുന്നതും അവര്‍ ജോലി ചെയ്ത് ശമ്പളം വാങ്ങുന്നതും. ഈ നടപടി ശരിയായതല്ല എന്നും അല്‍ഫോന്‍സ പറഞ്ഞു.
കഴിഞ്ഞ ദിവസമാണ് മീന്‍കൊട്ട തട്ടിത്തെറിപ്പിച്ച സംഭവത്തില്‍ സസ്‌പെന്‍ഷനിലായിരുന്ന ജീവനക്കാരെ തിരികെയെടുക്കാന്‍ തീരുമാനിച്ചത്. ഇവരുടെ സസ്‌പെന്‍ഷന്‍ റദ്ദാക്കി ഉത്തരവ് വ്യാഴാഴ്ച പുറത്തിറങ്ങുകയും ചെയ്തിരുന്നു.
