ഹൈദരാബാദ്: അല്ലു അർജുന്റെ പുഷ്പ 2 ൻ്റെ പ്രീമിയർ ഷോയ്ക്കിടെ സിനിമാ തിയേറ്ററിൽ ജനക്കൂട്ടം തടിച്ചുകൂടിയതിനെ തുടർന്ന് ശ്വാസംമുട്ടി ഒരു സ്ത്രീ മരിച്ച സംഭവത്തിൽ നടൻ അല്ലു അർജുനടക്കമുള്ളവർക്കെതിരെ കേസെടുത്തു. അല്ലു അർജുനും അദ്ദേഹത്തിൻ്റെ സുരക്ഷാ ടീമിനും തിയേറ്റർ മാനേജ്‌മെൻ്റിനുമെതിരെ ഭാരതീയ ന്യായ സംഹിത (ബി.എൻ.എസ്) സെക്ഷൻ 105, 118 (1) പ്രകാരം പൊലീസ് കേസ് രജിസ്റ്റർ ചെയ്തു.
35കാരിയായ രേവതിയാണ് കൊല്ലപ്പെട്ടതെന്ന് പൊലീസ് പറഞ്ഞു. രേവതിയുടെ ഒമ്പത് വയസ്സുള്ള മകൻ ശ്രീതേജിനും ശ്വാസംമുട്ടൽ ഉണ്ടാവുകയും 48 മണിക്കൂർ നിരീക്ഷണത്തിൽ ആശുപത്രിയിൽ ചികിത്സയിൽ കഴിയുകയും ചെയ്തു.
അല്ലു അർജുനും അദ്ദേഹത്തിൻ്റെ സുരക്ഷാ സംഘത്തിനും തിയേറ്റർ മാനേജ്‌മെൻ്റിനുമെതിരെ സെക്ഷൻ 105 (കൊലപാതകത്തിന് തുല്യമല്ലാത്ത മനഃപൂർവമല്ലാത്ത നരഹത്യ), 118 (1) (മനപ്പൂർവ്വം മുറിവേൽപ്പിക്കുകയോ വേദനിപ്പിക്കുകയോ ചെയ്തതിനുള്ള ശിക്ഷ) എന്നിവ പ്രകാരം 3(5) പ്രകാരം പോലീസ് കേസ് രജിസ്റ്റർ ചെയ്തു.
സംഭവത്തിൽ അല്ലു അർജുനും അദ്ദേഹത്തിൻ്റെ സുരക്ഷാ ടീമിനും തിയേറ്റർ മാനേജ്‌മെൻ്റിനുമെതിരെ കേസ് രജിസ്റ്റർ ചെയ്തിട്ടുണ്ടെന്ന് ഔദ്യോഗിക വൃത്തങ്ങൾ പറഞ്ഞു. യുവതിയുടെ മരണവാർത്തയറിഞ്ഞ് തിയേറ്ററിന് പുറത്ത് വൻ പ്രതിഷേധമാണ് ഉയർന്നത്. അർദ്ധരാത്രി പ്രീമിയറുകൾ നിരോധിക്കണമെന്ന് ആവശ്യപ്പെട്ട് എസ്.എഫ്.ഐ വിദ്യാർത്ഥി യൂണിയൻ, ഡി.വൈ.എഫ്.ഐ അംഗങ്ങൾ ഉൾപ്പെടെയുള്ളവർ പ്രക്ഷോഭം നടത്തി
ഹൈദരാബാദ് ആര്‍ടിസി റോഡിലെ സന്ധ്യാ തിയേറ്ററിലാണ് ദാരുണമായ സംഭവം നടന്നത്. കുടുംബത്തോടൊപ്പമാണ് രേവതി സിനിമ കാണാനെത്തിയത്. ഭർത്താവ് ഭാസ്കറിനും മക്കളായ ശ്രീതേജ് (9), സാന്‍വിക (7) എന്നിവര്‍ക്കും പരിക്കേറ്റു. മൂവരും ആശുപത്രിയില്‍ ചികിത്സയില്‍ കഴിയുകയാണ്.
Content Highlight: Allu Arjun booked over woman’s death during Pushpa 2 Hyderabad premier