തൃശൂരില്‍ 14കാരന്റെ വയറ്റില്‍ സര്‍ജിക്കല്‍ ക്ലിപ്പ് കുടുങ്ങി; നിസാരമല്ലേയെന്ന് ഡോക്ടര്‍മാര്‍ പറഞ്ഞെന്ന് കുട്ടിയുടെ മാതാവ്
ഡൂള്‍ന്യൂസ് ഡെസ്‌ക്
Thursday, 17th August 2023, 7:37 pm
തൃശൂര്‍: തൃശൂര്‍ ദയ ആശുപത്രിയില്‍ ചികിത്സ പിഴവെന്ന് ആരോപണം. 14കാരന്റെ വയറിനുള്ളില്‍ ശസ്ത്രക്രിയക്കിടെ സര്‍ജിക്കല്‍ ക്ലിപ്പ് കുടുങ്ങി. കഴിഞ്ഞ ജൂണ്‍ മാസം 12നാണ് സംഭവം നടക്കുന്നത്. അപ്പന്റീക്‌സിന്റെ സര്‍ജറിക്കായിട്ടാണ് 14നെ ദയ ആശുപത്രിയില്‍ എത്തുന്നത്. തുടര്‍ന്ന് ജൂലൈ 27ന് വീണ്ടും കടുത്ത വയറുവേദനയെ തുടര്‍ന്ന് വീണ്ടും ആശുപത്രിയില്‍ പ്രവേശിപ്പിക്കുകയായിരുന്നു.
ഇതിനിടയില്‍ മറ്റൊരു ആശുപത്രിയില്‍ നടത്തിയ പരിശോധനയിലാണ് സര്‍ജിക്കല്‍ ക്ലിപ്പ് വയറ്റില്‍ കുടുങ്ങിയതായി കണ്ടെത്തിയത്. ഇതോടെ വയറ്റിനകത്ത് പഴുപ്പ് ബാധിച്ചതിനെ തുടര്‍ന്ന് കുട്ടിയെ എറണാകുളം അമൃത ആശുപത്രിയില്‍ ഓഗസ്റ്റ് അഞ്ചിന് വീണ്ടും ശസ്ത്രക്രിയക്ക് വിധേയനാക്കുകയായിരുന്നു. പിന്നാലെ സര്‍ജിക്കല്‍ ക്ലിപ്പ് പുറത്തെടുത്തു.
