എല്ലാ കണ്ണുകളും റഫയിലേക്ക്; ഫലസ്തീന് വേണ്ടി മലയാളികള്‍ ഉള്‍പ്പെടെയുള്ള ഇന്ത്യന്‍ സെലിബ്രിറ്റികളും
വി. ജസ്‌ന
Wednesday, 29th May 2024, 8:23 am
ലോകത്ത് യൂത്ത് ഏറ്റവും കൂടുതല്‍ ഉപയോഗിച്ചിരുന്ന ഒരു ആപ്പാണ് ടിക് ടോക്. അമേരിക്കയില്‍ ഒരു സമയത്ത് ഈ പ്ലാറ്റ്‌ഫോമില്‍ വ്യാപകമായ രീതിയില്‍ ഫലസ്തീന് അനുകൂല ഹാഷ് ടാഗുകള്‍ ട്രെന്‍ഡിങ്ങായിരുന്നു. വൈകാതെ തന്നെ അമേരിക്ക ടിക് ടോക് ബാന്‍ ചെയ്യുകയും ചെയ്തു.
ഇപ്പോള്‍ ഇന്ത്യയില്‍ ഇന്‍സ്റ്റഗ്രാമിലും എക്സിലും ഏറ്റവും കൂടുതല്‍ കാണുന്നത് ഒരു എ.ഐ ജനറേറ്റഡ് ഇമേജാണ്. എല്ലാവരുടെയും ശ്രദ്ധ റഫയിലേക്ക് എന്നാവശ്യപ്പെട്ട് കൊണ്ട് ‘ഓള്‍ ഐസ് ഓണ്‍ റഫ’ എന്നെഴുതിയ അഭയാര്‍ത്ഥി കൂടാര ക്യാമ്പുകളുടെ ചിത്രമാണ് ഇത്.
1.4 മില്യണിലധികം ഫലസ്തീനികള്‍ അഭയം തേടുന്ന റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുകയാണ് ഈ വാക്യം. ലോകാരോഗ്യ സംഘടനയുടെ ഓഫീസ് ഡയറക്ടര്‍ റിക്ക് പീപ്പര്‍കോണില്‍ നിന്നാണ് ഓള്‍ ഐസ് ഓണ്‍ റഫ എന്ന വാക്കുകള്‍ ഉണ്ടാകുന്നത്.
നിമിഷ സജയന്‍, കീര്‍ത്തി സുരേഷ്, രാജേഷ് മാധവന്‍, ബേസില്‍ ജോസഫ്, നൈല ഉഷ, ഭാവന, ദുല്‍ഖര്‍ സല്‍മാന്‍, പാര്‍വതി, നിഖില വിമല്‍, കാളിദാസ് ജയറാം, സൗബിന്‍ ഷാഹിര്‍, സുപ്രിയ മേനോന്‍, റിമ കല്ലുങ്കല്‍, അന്ന ബെന്‍, നിരഞ്ജന, തന്‍വി റാം, മണികണ്ഠന്‍ ആചാരി, മീര നന്ദന്‍, മൃദുല, അനുമോള്‍, രമ്യ നമ്പീശന്‍, ഷെയിന്‍ നിഗം, അനാര്‍ക്കലി, ഗൗരി കിഷന്‍, അനുപമ, ഷറഫുദ്ധീന്‍, അശ്വതി ശ്രീകാന്ത്, റോഷ്ന റോയ്, മഖ്ബൂല്‍ സല്‍മാന്‍, നീരജ് മാധവ്, ആഷിഖ് അബു തുടങ്ങിയ നിരവധി മലയാളി താരങ്ങളും പ്രകാശ് രാജ്, വരുണ്‍ ധവാന്‍, അറ്റ്ലി, വിജയ് വര്‍മ, തൃപ്തി ദിമ്രി, ഹിന ഖാന്‍, സാമന്ത, സ്വര ഭാസ്‌കര്‍, ദിയ മിര്‍സ, ഗൗഹര്‍ ഖാന്‍, ഫാത്തിമ സന ഷെയ്ഖ്, രാധിക ആപ്തെ, ആമി ജാക്സണ്‍, ആലിയ ഭട്ട്, പ്രിയങ്ക ചോപ്ര, കരീന കപൂര്‍, രശ്മിക മന്ദാന, സൊനാക്ഷി സിന്‍ഹ, റിച്ച ഛദ്ദ, ഹണി സിങ്ങ്, നോറ ഫത്തേഹി, ദിയ മിര്‍സ, സോനം കപൂര്‍ തുടങ്ങി മറ്റു സെലിബ്രിറ്റികളും സ്പോര്‍ട്സ് താരങ്ങളും ഇതിന്റെ ഭാഗമായിട്ടുണ്ട്.
