ദുബായ്: എക്കാലത്തേയും ഉയര്‍ന്ന ലാഭമാണ് എമിറേറ്റ്സ് എയര്‍ലൈന്‍സിന് കഴിഞ്ഞ സാമ്പത്തിക വര്‍ഷം നേടാനായതെന്ന് കമ്പനിയുടെ ചെയര്‍മാനും ചീഫ് എക്സിക്യൂട്ടീവുമായ ഷെയ്ഖ് അഹമ്മദ് ബിന്‍ സായീദ് അല്‍ മക്തൂം. ഇതിന്റെ ഭാഗമായി മെയ് മാസത്തെ സാലറിയോടൊപ്പം കമ്പനിയിലെ എല്ലാ ജീവനക്കാര്‍ക്കും 24 ആഴ്ചയിലെ(ആറ് മാസം) ബോണസ് വിതരണം ചെയ്യുമെന്ന് അദ്ദേഹം അറിയിച്ചതായി ഖലീജ് ടൈംസ് റിപ്പോര്‍ട്ട് ചെയ്തു.
വ്യാഴാഴ്ചയാണ് കമ്പനിയുടെ 2022-2023 വാര്‍ഷിക റിപ്പോര്‍ട്ട് പുറത്തിറക്കിയത്. 10.9 ബില്യണ്‍ ദിര്‍ഹമാണ് (3.0 ബില്യണ്‍ യു.എസ് ഡോളര്‍) കഴിഞ്ഞ സാമ്പത്തിക വര്‍ഷം കമ്പനി നേടിയ ലാഭം. ഇതിന് മുമ്പ് കമ്പനിക്കുണ്ടായ നഷ്ടത്തില്‍ നിന്ന് കരകയറാന്‍ ഈ ലാഭം സഹായിക്കുമെന്നും അല്‍ മക്തൂം പ്രസ്താവനയില്‍ അറിയിച്ചു.
BREAKING: Dubai’s Emirates Airlines reported its BIGGEST profit in the history of USD 3 Bn for 2022-2023, a massive turnaround from its USD 1.1 Bn loss last year. — @emirates pic.twitter.com/fgtoCpLDxJ
— حسن سجواني 🇦🇪 Hassan Sajwani (@HSajwanization) May 11, 2023
