അടുത്ത ബാലണ്‍ ഡി ഓര്‍ ജേതാവിനെ കാത്തിരിക്കുകയാണ് ഫുട്ബോള്‍ ലോകം. രണ്ട് പതിറ്റാണ്ടിന് ശേഷം ഇതാദ്യമായി മെസിയും റൊണാള്‍ഡോയുമില്ലാത്ത ചുരുക്കപ്പട്ടികയാണ് ബാലണ്‍ ഡി ഓറിന്റേത് എന്നതാണ് ഏറ്റവും വലിയ പ്രത്യേകത. 2003ന് ശേഷം ഇതാദ്യമായാണ് ഇരുവരും പട്ടികയില്‍ ഇടം നേടാന്‍ സാധിക്കാതെ പോകുന്നത്.
എന്നാല്‍ പുരസ്‌കാര വേദിയില്‍ മികച്ച താരത്തിനുള്ള പുരസ്‌കാരം മാത്രമാണോ നല്‍കുന്നത്? അല്ല. മികച്ച പരിശീലകന് മുതല്‍ മികച്ച ക്ലബ്ബിന് വരെയുള്ള പുരസ്‌കാരം വേദിയില്‍ വെച്ച് നല്‍കപ്പെടും.
ബാലണ്‍ ഡി ഓര്‍ വേദിയില്‍ നല്‍കപ്പെടുന്ന പുരസ്‌കാരങ്ങള്‍
ബാലണ്‍ ഡി ഓര്‍
ഒരു യൂറോപ്യന്‍ സീസണിലെ (ഓഗസ്റ്റ് മുതല്‍ ജൂലൈ വരെ) ഏറ്റവും മികച്ച പുരുഷ താരത്തിന് നല്‍കുന്ന പുരസ്‌കാരം.
2023ലെ ജേതാവ്: ലയണല്‍ മെസി (അര്‍ജന്റീന, ഇന്റര്‍ മയാമി) – 462 പോയിന്റ്
