തിരുവനന്തപുരം: കൊറോണ പ്രതിരോധത്തിന്റെ ഭാഗമായി മദ്യശാലകള് അടച്ചുപൂട്ടിയതോടെ മദ്യാസക്തിയുള്ളവര്ക്ക് മദ്യം ലഭ്യമാക്കാനുള്ള നടപടി എക്സൈസ് വകുപ്പ് സ്വീകരിക്കുമെന്ന് മുഖ്യമന്ത്രി പിണറായി വിജയന്.
മദ്യം ലഭിക്കാത്തതിനാല് വിത്ഡ്രോവല് സിന്ഡ്രോമും ആത്മഹത്യയുമടക്കം അപകടം വരുത്തിവെക്കുന്ന പ്രവണത ചിലര് കാണിക്കുന്നുണ്ടെന്നും ഇത്തരക്കാര്ക്ക് ഡോക്ടറുടെ നിര്ദേശാനുസരണം മദ്യം നല്കാന് എക്സൈസ് വകുപ്പ് നടപടി സ്വീകരിക്കുമെന്നും മുഖ്യമന്ത്രി വാര്ത്താ സമ്മേളനത്തില് പറഞ്ഞു.
ഡോക്ടറുടെ നിര്ദേശം അനുസരിച്ച് മാത്രമേ ഇവര്ക്ക് മദ്യം ലഭ്യമാക്കുകയുള്ളൂവെന്നും ബാക്കിയാര്ക്കും ഈ സൗകര്യം ലഭിക്കില്ലെന്നും അദ്ദേഹം വ്യക്തമക്കി.
മദ്യാസക്തിയുള്ള ചിലര്ക്ക് മദ്യം അത്യാവശ്യമാണെന്ന് കണ്ടതുകൊണ്ടാണ് ഇത്തരത്തില് തീരുമാനമെടുത്തത്. ഡീ അഡിക്ഷന് സെന്ററുകളുമായി ബന്ധപ്പെട്ട പ്രവര്ത്തനങ്ങളും നടക്കുന്നുണ്ടെന്നും മുഖ്യമന്ത്രി വ്യക്തമാക്കി.
എന്നാല് വീടുകളില് അല്ല മദ്യം നല്കുകയെന്നും കൂടുതല്കാര്യങ്ങള് പരിശോധിക്കാമെന്നും അദ്ദേഹം വ്യക്തമാക്കി. കഴിഞ്ഞ ദിവസം കേരളത്തില് മദ്യം ലഭിക്കാത്തതിനാല് വിവിധ ഭാഗങ്ങളില് ആത്മഹത്യകള് റിപ്പോര്ട്ട് ചെയ്തിരുന്നു.