മുന്‍ ഇംഗ്ലണ്ട് ക്യാപ്റ്റന്‍ അലസ്റ്റര്‍ കുക്കിന്റെ തകര്‍പ്പന്‍ ക്യാച്ച് കണ്ട് കണ്ണുതള്ളിയിരിക്കുകയാണ് സോഷ്യല്‍ മീഡിയ
തന്റെ പുറകില്‍ നിന്ന് വന്ന പന്ത് ഒരു ഭാവവ്യത്യാസവും ഇല്ലാതെ കൈ പിടിയിലൊതുക്കിയ വീഡീയോ ആണ് സോഷ്യല്‍ മീഡിയയില്‍ വൈറലായിരിക്കുന്നത്.
തന്റെ സഹപ്രവര്‍ത്തകനോട് സംസാരിച്ച് നില്‍ക്കെ പുറകില്‍ നിന്ന് ബാറ്റ്സ്മാന്‍ വീശി അടിച്ച പന്താണ് വരുന്നത് വ്യക്തമായി കാണാതിരുന്നിട്ടും കുക്ക് കൈപിടിയിലൊതുക്കിയത്. ഗ്രൗണ്ടില്‍ ക്രിക്കറ്റ് പരിശിലനത്തിനിടെ സഹകളിക്കാരനുമായി സംസാരിച്ചുനിക്കുകയായിരുന്നു കുക്ക് ഇതിനിടക്കാണ് പുറകില്‍ നിന്ന് മറ്റൊരു കളിക്കാരന്‍ പിന്‍ തിരിഞ്ഞ് നിക്കുകയായിരുന്ന കുക്കിന് നേരെ പന്ത് വീശി അടിച്ചത്.
എന്നാല്‍ സിനിമകളിലെ സുപ്പര്‍ ഹീറോകളെ അനുസ്മരിപ്പിക്കുന്ന പോലെ പിന്‍തിരിഞ്ഞ് നിന്ന് കുക്ക് പന്ത് കൈയ്യില്‍ ഒതുക്കുകയായിരുന്നു.
ഇതിഹാസ താരങ്ങളായ സച്ചിന്‍ തെണ്ടുല്‍ക്കര്‍, സുനില്‍ ഗാവസ്‌കര്‍ എന്നിവരുടെ കളിക്കളത്തിലെ റെക്കോര്‍ഡുകള്‍ മറികടന്നിട്ടുള്ള കുക്ക് ഇന്ത്യയിലും നിരവധി ആരാധകരുള്ള ഇംഗ്ലീഷ് താരമാണ്.