സംസ്ഥാനത്ത് ഇന്ന് രണ്ട് കൊവിഡ് മരണം; കഴിഞ്ഞ ദിവസം മരിച്ച ആലപ്പുഴ സ്വദേശിക്കും കൊവിഡ് സ്ഥിരീകരിച്ചു
ഡൂള്‍ന്യൂസ് ഡെസ്‌ക്
Monday, 27th July 2020, 2:23 pm
തിരുവനന്തപുരം: സംസ്ഥാനത്ത് ഇന്ന് രണ്ടാമത്തെ കൊവിഡ് മരണം റിപ്പോര്‍ട്ട് ചെയ്തു. ആലപ്പുഴ പട്ടണക്കാട് സ്വദേശി ചക്രപാണിയാണ് മരിച്ചത്. ഇദ്ദേഹത്തിന് 79 വയസ്സായിരുന്നു. മരണ ശേഷം നടത്തിയ സ്രവ പരിശോധനയിലാണ് രോഗം സ്ഥിരീകരിച്ചത്.
വാര്‍ദ്ധക്യ സഹജമായ അസുഖങ്ങളെത്തുടര്‍ന്നാണ് ചക്രപാണി ചികിത്സ തേടിയത്.
ഇന്ന് രാവിലെയാണ് ഇടുക്കി സ്വദേശി കൊവിഡ് ബാധിച്ച് മരിച്ചത്. ഇടുക്കി മാമാട്ടിക്കാനം സ്വദേശി സി.വി വിജയന്‍ ആണ് മരിച്ചത്. ഇദ്ദേഹത്തിന് 61 വയസ്സായിരുന്നു.
